Accessibility links

Нұрсұлтан Назарбаевтың президенттікті Тоқаевқа тапсырған сәті. 2019 жылдың наурызы.
Нұрсұлтан Назарбаевтың президенттікті Тоқаевқа тапсырған сәті. 2019 жылдың наурызы.

Тоқаев үкімет құрамын бекітті. 11 қаңтарда не болды?

11:30 11.1.2022

Тоқаев мәжілістегі сөзінде кеше, 10 қаңтарда ҰҚШҰ жиынында айтқандарын қайталады. Сол "халықаралық террористік шабуыл", "Алматыға төнген қауіп", "мемлекеттік төңкеріске талпыныс" жайлы айтты. Тоқаев ҰҚШҰ күштері алдағы он күннің ішінде елден кетеді деп сендірді.

11:28 11.1.2022

Премьер болып тағайындалған Смаилов "Үкімет макроэкономикалық бағдарлама қабылдап, инфляцияны ауыздықтайды" деді.

11:26 11.1.2022

Мәжіліс жиынына 89 депутат қатысып отыр. 89 депутат та Смайловтың кандидатурасын жақтады. Экс-президент Назарбаевтың қызы Дариға Назарбаеваның мәжілісте отырған-отырмағаны белгісіз. Оны эфирден көрсетпеді.

11:23 11.1.2022
Мәжіліс Смайловтың премьерлікке кандидатурасын қолдады

11 қаңтарда мәжіліс отырысы кезінде президент Қасым-Жомарт Тоқаев Әлихан Смайыловты премьерлікке ұсынды. Оны депутаттар қолдады. Отырыс жалғасып жатыр.

5 қаңтарда Қазақстанда сұйытылған газдың қымбаттауына байланысты наразылық өршіген тұста Асқар Мамин премьер-министр қызметінен отставкаға кеткен болатын.

Тағы

ПІКІРЛЕР

XS
SM
MD
LG