Accessibility links

"Ақтөбе оқиғасы" ненің көрсеткіші?


Ақтөбе оқиғасында қаза тапқандармен қоштасу рәсімі. 8 маусым 2016 жыл.

AzattyqLIVE хабарында 5 маусымда Ақтөбеде болған қарулы шабуыл және полицияның оған қарсы операциясы, осы оқиғалар кезіндегі қоғам мен биліктің әрекеті талқыланды. Студияда саясаттанушы Расул Жұмалы сарапшы болды.

12 маусым күні Қазақстан ұлттық қауіпсіздік комитеті (ҰҚК) төрағасының орынбасары Нұрғали Білісбеков Ақтөбеде маусымның 5-і күні жасалған қарулы шабуылдарға қатысты іздеудегі күдіктілердің бәрі қолға түскені туралы мәлімдеді.

Айтуынша, терроризмге қарсы арнайы операциялар барысында 9 күдікті ұсталып, 18-інің көзі жойылған, олар ұрлаған 23 дана қару тәркіленген. Шабуылдаушыларға қатысты қозғалған 25 қылмыстық іс бір өндіріске біріктірілген. Білісбеков республикалық жедел штабтың шешімімен Ақтөбе облысы бойынша террористік шабуыл қаупі ең жоғарғы (қызыл) деңгейден бәсең (сары) деңгейге түсірілгені туралы хабарлады.

Ақтөбедегі оқиғаларға билік ресми түрде «террорлық шабуыл» деп баға берді, алайда әзірге қандай да бір ұйым бұл шабуылды мойнына алған жоқ. Билік «терроршы» деп атаған қарулы топ өкілдері тарапынан нақты талап, кепілге ұстау, ұран естілмеді.

Бұл ненің белгісі? Президент шабуыл жасалғаннан үш күн өткеннен кейін ел алдына шықты, Қауіпсіздік кеңесінің отырысы шабуылдан соң бес күннен кейін өтті. Бұлайша кешігудің саяси астары бар ма? «Көзі жойылған» және іздеудегі «терроршылар» делінген тізімнен кездейсоқ азаматтар өздерін тауып жатты. Мұны қалай түсінуге болады? Осы және өзге де сауалдарға саясаттанушы Расул Жұмалы жауап берді.

Президентке қараған билік Ақтөбе кезінде абдырады
please wait

No media source currently available

0:00 0:41:43 0:00

  • 16x9 Image

    Қасым АМАНЖОЛ

    Қасым Аманжол – Азаттық радиосының тв-продюсері. 1977 жылы Шығыс Қазақстан облысында туған. Әл-Фараби атындағы Қазақ ұлттық университетінің журналистика факультетін, Жүргенов атындағы Өнер академиясының кино және телевидение факультетін аяқтаған. 20 жылдан астам Қазақстанның телевизия саласында істеп келеді. Авторлық бағдарламалардың, деректі фильмдердің авторы. «Шынның жүзі» сұхбаттар циклын, «Анық Абай» деректі сериалын, саясаткер Алтынбек Сәрсенбайұлы жайлы фильмдерді, 2014 жылы Шығыс Украинадағы соғыс пен Қырым туралы фильмдер түсірген. 2015 жылдан бері Азаттықта тікелей эфирлер жүргізіп, тележобалар жасайды. Телетоптың жұмысына продюсерлік істейді.

Пікірлерді көріңіз (5)

Бұл форум жабық. Бірақ пікірталасты Азаттықтың Facebook-парақшасында жалғастыра аласыз: https://www.facebook.com/azattyq
XS
SM
MD
LG