Жастар шыңына шығу

31 шілде 2017 жыл, 15:53

Қуанышбек ҚАРИ

Жексенбі күні «Almaty Mountain Festival» шарасы аясында альпиниада ұйымдастырылып, адамдар Жастар шыңына шықты. Шыңның биіктігі - 4147 метр. "Бұқаралық" деп сипатталған шараға жас айырмашалығына қарамастан жүздеген адам қатысты. Альпиниада қауіпсіздігін қалалық құтқару қызметі қамтамасыз етті. Шыңға шығу күрделілігі жағынан 1Б категориясына жатады. Шыңның ұшар басына жақындағанда адамдар арқан бойымен жүрді.
Жастар шыңы - Кіші Алматы шатқалындағы тұтас мұздық массивтің биік тұсы болып келеді. Мұздыққа баратын жол Тұйықсу шатқалынан басталады. Алматы. 30 шілде, 2017 жыл.

Түгел оқыңыз Қысқарту

1 Тауда қаза тапқандар құрметіне қойылған ескерткіш. Шымбұлақтан Тұйықсуға қарай көтерілетін адамдар осында соғып өтеді.

2 Тауда қаза тапқандардың аты-жөні жазылған тақталар.

3 Тұйықсу қақпасына қарай шығып бара жатқан адамдар.

4 Бір кезде "Асар" партиясы атынан қойылған белгі. Белгінің арт жағындағы қар басқан шың - Жастар мұздығы.

6 Жастар шыңының жақын тұстан қарағандағы көрінісі.

7 Мұздыққа көтерілу үшін Жастар шыңының етегінде тігілген лагерге бара жатқан адамдар.

8 Шыңға шығып және түсіп бара жатқан адамдар.

9 Шыңның ұшар басына шығу үшін адамдар тау басында арқанның көмегімен жүреді. Бір қатарлы арқан бойымен жүруге кезек күтуге тура келеді.

10 Шыңның ұшар басында жоғары өрлеуге кезек күтіп тұрған адамдар көрінеді. Олардың кейбірі кезек жылжымағандықтан кері қайтуға мәжбүр болды.

11 Жастар шыңынан түсіп бара жатқан адамдар.

12 Қолына Қазақстан туын ұстап, шыңнан түсіп бара жатқан адам.

14 Шың етегінде тігілген лагерьлердің бірі.

15 Жастар шыңынан қайтарда жайдақ жолмен жүріп бара жатқан адамдар мен көлік.

Қуанышбек ҚАРИ

"Азаттық-70", "Азаттық толқынында" подкастарының және "Шайхана" блогының авторы. Азаттықтың Алматы бюросының бас редакторы болған. Әл-Фараби атындағы ҚазМҰУ-дің журналистика факультетін бакалавр дәрежесімен, Тегеран университеті парсы әдебиеті факультетін магистр дәрежесімен тәмамдаған.

Иран телерадиобірлестігі әлемдік қызметінде тілші, кейін қазақстандық бірнеше БАҚ-тың Ирандағы тілшісі қызметтерін атқарған. Қазақстандық ақпарат агенттіктерінде, газет-журналдарда тілші, бөлім меңгерушісі, бас редактордың бірінші орынбасары болған.