Accessibility links

AzattyqLIVE: Журналистерге қысымның себептері


Журналистер жұмыс үстінде. (Көрнекі сурет)

AzattyqLIVE хабарында Қазақстандағы журналистерге және ақпарат құралдарына қысым жайы талқыланды. Хабар қонағы саясаткер Әміржан Қосанов болды.

Қазақстан журналистер одағының төрағасы әрі ұлттық баспасөз клубының басшысы Сейітқазы Матаев 22 ақпан күні уақытша ұстау изоляторына қамалды. Оған коррупциялық айыптар тағылғаны туралы ақпараттар тарап жатыр.

Журналистерге қысымның себептері неде?
please wait

No media source currently available

0:00 0:11:52 0:00
Жүктеп алу

Елде БАҚ өкілдері бұған дейін де әлденеше рет істі болған.

2015 жылдың соңында Nakanune.kz сайтының бірнеше журналисі қамауға алынып, олардың үстінен қылмыстық іс қозғалған. «Есірткі сақтады» деп айыпталған журналист Юлия Козлованың соты әлі өтіп жатыр.

Ал «Жас Алаш» газетіне қатысты 2015 жылдың қазанында басталған, «Жас-Ай» медицина орталығының басшысы Жасан Зекейұлының шағымымен қозғалған іс газетке және газет авторларына 40 миллион теңге айыппұл салуға себеп болған. Бұл іске байланысты апелляциялық сот отырысы ертең өтеді.

Соңғы уақыттарда тәуелсіз БАҚ-қа байланысты әртүрлі айыптаудың жиілеуі неліктен? Күдікке ілінге журналистер мәлімдеп жүргендей «мұның саяси астары» жоқ па? Қазақстан журналистер одағының басшысының тергеу изоляторына қамалуы журналистер қауымдастығына қалай әсер етті? Журналистердің билік органдарына жолдаған петициясынан нәтиже шығуы мүмкін бе?

Осы және өзге де сауалдарға журналистерге байланысты сот отырыстарына тұрақты қатысып жүрген саясаткер Әміржан Қосанов жауап берді.

AzattyqLIVE: Журналистерге қысым жасау себептері
please wait

No media source currently available

0:00 0:35:32 0:00

  • 16x9 Image

    Қасым АМАНЖОЛ

    Қасым Аманжол – Азаттық радиосының тв-продюсері. 1977 жылы Шығыс Қазақстан облысында туған. Әл-Фараби атындағы Қазақ ұлттық университетінің журналистика факультетін, Жүргенов атындағы Өнер академиясының кино және телевидение факультетін аяқтаған. 20 жылдан астам Қазақстанның телевизия саласында істеп келеді. Авторлық бағдарламалардың, деректі фильмдердің авторы. «Шынның жүзі» сұхбаттар циклын, «Анық Абай» деректі сериалын, саясаткер Алтынбек Сәрсенбайұлы жайлы фильмдерді, 2014 жылы Шығыс Украинадағы соғыс пен Қырым туралы фильмдер түсірген. 2015 жылдан бері Азаттықта тікелей эфирлер жүргізіп, тележобалар жасайды. Телетоптың жұмысына продюсерлік істейді.

Пікірлерді көріңіз (6)

Бұл форум жабық. Бірақ пікірталасты Азаттықтың Facebook-парақшасында жалғастыра аласыз: https://www.facebook.com/azattyq
XS
SM
MD
LG