Accessibility links

AzattyqLIVE: Атыраудағы шеру себептері


Атыраудағы «жер сатуға қарсылық» жиыны
please wait

No media source currently available

0:00 0:01:26 0:00

ВИДЕО: «Жер сатуға қарсылық» жиыны. Атырау, 24 сәуір 2016 жыл.

AzattyqLIVE сәуірдің 24-і күні Атырау қаласының орталық алаңында болған митинг жайын талқылады. Хабар сарапшысы қоғамдық белсенді, журналист Жанболат Мамай болды.

Сәуірдің 24-і күні Атырау қаласының орталық алаңында бірнеше мың адам қатысқан, рұқсат етілмеген митингіде жер сату мен шетелдіктерге жалға беруге наразылар жиналды. Оларға облыс әкімі Нұрлан Ноғаев екі рет келіп, митингіні күшпен басуға бұйрық бермейтінін, жиынды ұйымдастырушылар жазаланбайтынын, жиналғандар талабын жоғарғы билікке жеткізетінін айтты. Наразылар төрт сағатқа жуық уақыт бойы қаланың орталық алаңында бейбіт жиын өткізді.

Оқи отырыңыз: Атырауда алаңға жиналғандар "жер сатуға" қарсылық білдірді

Қазақстан үкіметі өткен айда жер туралы заңға былтыр күзде енгізілген өзгерістерге сай биыл шілдеден бастап ауыл шаруашылық жерлерін азаматтарға жеке меншікке аукцион арқылы сату, сонымен бірге шетелдіктер мен азаматтығы жоқ адамдарға 25 жылға дейін мерзімге жалға беру тәртібі күшіне енеді деп хабарлаған.

Жер сату мен шетелдіктерге жерді жалға беру жөніндегі үкімет бастамасына қарсы бұған дейін зиялылардың талап-хаты жарияланып, Астана мен Оралда белсенді азаматтардың жалғыз адамдық пикеттері мен Алматыда шағын жиын өткен еді. Ал Атыраудағы бірнеше мың адам жиналған митинг ненің белгісі? Оның арнайы ұйымдастырушылары бар ма? Облыс басшыларының наразылармен диалогы қалай болды? Берілген уәделерге сенуге бола ма?

AzattyqLIVE хабарында журналист әрі қоғамдық белсенді Жанболат Мамай осы сауалдарға жауап берді.

Жанболат Мамай: Атырау билікке наразылықты айқын көрсетті
please wait

No media source currently available

0:00 0:30:33 0:00

  • 16x9 Image

    Қасым АМАНЖОЛ

    Қасым Аманжол – Азаттық радиосының тв-продюсері. 1977 жылы Шығыс Қазақстан облысында туған. Әл-Фараби атындағы Қазақ ұлттық университетінің журналистика факультетін, Жүргенов атындағы Өнер академиясының кино және телевидение факультетін аяқтаған. 20 жылдан астам Қазақстанның телевизия саласында істеп келеді. Авторлық бағдарламалардың, деректі фильмдердің авторы. «Шынның жүзі» сұхбаттар циклын, «Анық Абай» деректі сериалын, саясаткер Алтынбек Сәрсенбайұлы жайлы фильмдерді, 2014 жылы Шығыс Украинадағы соғыс пен Қырым туралы фильмдер түсірген. 2015 жылдан бері Азаттықта тікелей эфирлер жүргізіп, тележобалар жасайды. Телетоптың жұмысына продюсерлік істейді.

Пікірлерді көріңіз (5)

Бұл форум жабық. Бірақ пікірталасты Азаттықтың Facebook-парақшасында жалғастыра аласыз: https://www.facebook.com/azattyq
XS
SM
MD
LG