Accessibility links

Русский
Басқа тілдерде
РУС
Live
site logo site logo
Бұған дейінгі Келесі
Шұғыл хабар:
ФОТОРЕПОРТАЖ

Қазақстандағы ең биік сарқырама

Бұрханбұлақ - Қазақстандағы ең биік сарқырама. Оның биіктігі - 114 метр, төртінші каскадын қосып есептегенде 168 метрге жетеді. Сарқырама Алматы облысы Ескелді ауданының аумағында орналасқан. Алайда облыстың да, ауданның да ресми сайтында сарқырама туралы мәлімет жоқ.
Бұрханбұлақ суы Жетісу (Жоңғар) Алатауындағы Қора шатқалындағы Қора өзеніне қосылады. Алматыдан - 420 км, Алматы облысының орталығы Талдықорған қаласынан 120 км қашықтықта орналасқан сарқырамаға апаратын көлік жолының шамамен 40 километрдейі қара жолдан тұрады. Қапал бұрылысынан кейінгі жолдың 20 километрдей бөлігі күрделі, ал алты километрдей бөлігі тауды қиялай өтетін серпантинмен жалғасады. Бұл тұстан тек жол талғамайтын көліктер ғана жүре алады. Алайда Бұрханбұлақ сарқырамасына Текелі қаласынан жаяу баратындар да бар. Текелі мен Бұрханбұлақ арасы - 52 километр.

Алматы облысы. 5 тамыз, 2018 жыл.
Қора шатқалының Бұрханбұлақ сарқырамасы жағындағы бөлігі.
1 Қора шатқалының Бұрханбұлақ сарқырамасы жағындағы бөлігі.
Қора шатқалына түсетін жолдың басы. Алғашқы алты километр тау қиясындағы шұғыл бұрылысқа толы серпантиннен тұрады. 
2 Қора шатқалына түсетін жолдың басы. Алғашқы алты километр тау қиясындағы шұғыл бұрылысқа толы серпантиннен тұрады. 
Бұрханбұлақ сарқырамасының түбінен қарағандағы көрінісі. Сарқыраманың түбі теңіз деңгейінен екі мың метр биік. 
3 Бұрханбұлақ сарқырамасының түбінен қарағандағы көрінісі. Сарқыраманың түбі теңіз деңгейінен екі мың метр биік. 
Сарқыраманың төменгі каскады.
4 Сарқыраманың төменгі каскады.
Сарқыраманың жалпы көрінісі. Таңғы көрініс.
5 Сарқыраманың жалпы көрінісі. Таңғы көрініс.
Бұрханбұлақ сарқырамасы мынандай құздан құлап ағады. Таңғы көрініс. 
6 Бұрханбұлақ сарқырамасы мынандай құздан құлап ағады. Таңғы көрініс. 
Қора шатқалындағы таң.
7 Қора шатқалындағы таң.
Бұрханбұлаққа келгендердің көбі сарқырама маңында шатыр құрып жатады. Таңғы көрініс.
8 Бұрханбұлаққа келгендердің көбі сарқырама маңында шатыр құрып жатады. Таңғы көрініс.
Текелі қаласынан өлкетанушы-жетекшілерімен бірге жаяу жүріп сарқырамаға жеткен мектеп оқушылары алау басында отыр. Олар Бұрханбұлаққа жолда бір қонып жеткен. Сарқырама басында екі қонғаннан кейін олар қайтадан жаяу қайтпақ.   
9 Текелі қаласынан өлкетанушы-жетекшілерімен бірге жаяу жүріп сарқырамаға жеткен мектеп оқушылары алау басында отыр. Олар Бұрханбұлаққа жолда бір қонып жеткен. Сарқырама басында екі қонғаннан кейін олар қайтадан жаяу қайтпақ.   
Сарқырамаға келгендердің кейбірі жақын маңдағы ақылы демалыс орнына аялдайды.   
10 Сарқырамаға келгендердің кейбірі жақын маңдағы ақылы демалыс орнына аялдайды.   
Қора шатқалынан шығатын қия жолдағы шұғыл бұрылыстың бірі. Қия жол біткенше сырғыма тастар таусылмайды. Шатқалдан көтерілгенде көліктің қозғалтқышы да жиі қызып кетеді. 
11 Қора шатқалынан шығатын қия жолдағы шұғыл бұрылыстың бірі. Қия жол біткенше сырғыма тастар таусылмайды. Шатқалдан көтерілгенде көліктің қозғалтқышы да жиі қызып кетеді. 
Қора шатқалынан көтерілген көлік қозғалтқышын салқындатуға тура келген бір сәт.
12 Қора шатқалынан көтерілген көлік қозғалтқышын салқындатуға тура келген бір сәт.
Қора шатқалы.
13 Қора шатқалы.
16x9 Image

Қуанышбек ҚАРИ

"Шайхана" блогының авторы. Азаттықтың Алматы бюросының бас редакторы болған. Әл-Фараби атындағы ҚазМҰУ-дің журналистика факультетін бакалавр дәрежесімен, Тегеран университеті парсы әдебиеті факультетін магистр дәрежесімен тәмамдаған.

Иран телерадиобірлестігі әлемдік қызметінде тілші, кейін қазақстандық бірнеше БАҚ-тың Ирандағы тілшісі қызметтерін атқарған. Қазақстандық ақпарат агенттіктерінде, газет-журналдарда тілші, бөлім меңгерушісі, бас редактордың бірінші орынбасары болған. 

ПІКІРЛЕР

​
Back to top
XS
SM
MD
LG