Бейіт үстіндегі би
2022 жылы Ресей зымырандары түсіп, күл-талқан болған Мариуполь театры 28 желтоқсанда қайта ашылды. Ғимаратты паналаған бейбіт тұрғындар қиранды астында қалған. Ресей басып алған қаланың көп бөлігі әлі де үйінді болып жатыр.
1
Мариупольдегі Донецк облыстық академиялық театр ғимараты алдында тұрған полицейлер.
Театр 28 желтоқсанда салтанатты түрде ашылды, бірақ қойылымдар жақын маңдағы басқа ғимаратта көрсетіледі.
Ресей Украинаның оңтүстік-шығысындағы қаланы 2022 жылғы мамырда қатыгездікпен құрсауға алып, күшпен өзіне қаратқан.
28 желтоқсан, 2025 жыл. REUTERS
Театр 28 желтоқсанда салтанатты түрде ашылды, бірақ қойылымдар жақын маңдағы басқа ғимаратта көрсетіледі.
Ресей Украинаның оңтүстік-шығысындағы қаланы 2022 жылғы мамырда қатыгездікпен құрсауға алып, күшпен өзіне қаратқан.
28 желтоқсан, 2025 жыл. REUTERS
2
Ашылу салтанаты кезінде театр ғимараты ішінде кетіп бара жатқан әйел.
Қайта тұрғызу кезінде ғимарат түгелдей өзгертілген. Соғыс кезінде театр үйі түгел дерлік жермен-жексен болған.
Қайта тұрғызу кезінде ғимарат түгелдей өзгертілген. Соғыс кезінде театр үйі түгел дерлік жермен-жексен болған.
3
Қайта тұрғызылған театр фойесі.
Театрдың алдындағы "Балалар" деген үлкен жазуға қарамастан, 2022 жылғы наурызда Ресей әскері ғимаратқа әуеден шабуыл жасады. Соның салдарынан бұл жерде жүздеген адам қаза тапты деген дерек бар.
Театрдың алдындағы "Балалар" деген үлкен жазуға қарамастан, 2022 жылғы наурызда Ресей әскері ғимаратқа әуеден шабуыл жасады. Соның салдарынан бұл жерде жүздеген адам қаза тапты деген дерек бар.
4
Қайта тұрғызылған театрдың сахнасы.
Ескі фотомен салыстырсақ, ғимарат ішіндегі декорация да, нысандардың орналасуы да түгел өзгергені байқалады.
Ескі фотомен салыстырсақ, ғимарат ішіндегі декорация да, нысандардың орналасуы да түгел өзгергені байқалады.
5
Бұл фото Ресей әскери шабуылын бастардан сәл ғана бұрын, 2022 жылғы ақпанның басында түсірілген.
6
Мариуполь театрының сыртқы көрінісі.
Ресей әскері шабуылын бастардан үш апта бұрын, 2022 жылғы ақпанда түсірілген фото.
Ресей әскері шабуылын бастардан үш апта бұрын, 2022 жылғы ақпанда түсірілген фото.
7
2022 жылғы 16 наурызда Ресейдің әуе шабуылынан қираған театр ғимаратының спутниктен қарағандағы көрінісі. Шабуыл болған сәтте ғимаратты жүздеген адам паналағаны айтылады.
8
2023 жылғы ақпан. Қаланы басып алған Ресей билігі театрды қоршап қойды. Бұл суреттен театр ғимараты қаншалық бүлінгенін байқауға болады. Кейін мұнда жөндеу жұмысы басталды. Жергілікті тұрғындардың айтуынша, театрды қайта салғанда бұл жерден табылған мәйіттер ғимараттың астына көмілген.
9
2025 жылғы қаңтар, театр ғимаратын қайта тұрғызып жатқан жұмысшылар. Жергілікті тұрғындар қалада көп инфрақұрылым әлі қиранды болып жатқанда театр үйінің қайта салынуын пропаганда әрекеті деп бағалайды.
10
2025 жылғы қазан. Театрдың ішінде айналмалы сахна салынып жатыр.
"Мұның барлығының басты көздегені – бейбіт адамдар қаза тапқан қасіретті оқиға ешқашан болмағандай етіп халық жадынан өшіріп жіберу. Бомбаланған театр көрмесең, демек мұндай оқиға ешқашан болмағаны" дейді Азовты дамыту агенттігінің негізін қалаған Константин Батозский.
"Мұның барлығының басты көздегені – бейбіт адамдар қаза тапқан қасіретті оқиға ешқашан болмағандай етіп халық жадынан өшіріп жіберу. Бомбаланған театр көрмесең, демек мұндай оқиға ешқашан болмағаны" дейді Азовты дамыту агенттігінің негізін қалаған Константин Батозский.
11
Кейінгі фотоларға қарасақ, ғимарат маңындағы кей ескерткіштер қалпына келтірілген. Мәселен, мына мына монумент 2024 жылы ақпанда түсірілген. Есесіне Мариупольдің көп бөлігіндегі инфрақұрылым әлі де жөнделмей қирап жатыр.
12
Ресей басып алған Мариупольдағы "Азовсталь" болат зауытының қалған бөлігі. Сурет 2024 жылғы мамырда түсірілген.
БҰҰ дерегі бойынша, үш айға созылған құрсау кезінде Мариупольдегі тұрғын үйлердің 90 пайызы қираған не зақымданған. Кейін Ресей әскері қаланы өзіне қаратты.
БҰҰ дерегі бойынша, үш айға созылған құрсау кезінде Мариупольдегі тұрғын үйлердің 90 пайызы қираған не зақымданған. Кейін Ресей әскері қаланы өзіне қаратты.
