Шілденің 1-і күні Молдова астанасында оппозиция жақтастары Кишинев мэрі сайлауын заңды деп тануды, аралас сайлау жүйесін жоюды және дауыс беру қорытындысына қарсы шешім қабылдаған судьяларды отставкаға жіберуді талап еткен. Наразылар биліктегі Демократиялық партия штаб-пәтерінің алдына жиналған. Маусымның 3-і күні өткен сайлау қорытындысы бойынша "Ар-намыс және шындық" платформасы" партиясының кандидаты батысшыл саясаткер Андрей Нэстасе 52,57 пайыз дауыс жиған. Бірақ Жоғарғы сот палатасы сайлауды заңсыз деп тану туралы шешім шығарған.