Азаттық маусымның 17-21-і аралығында Қазақстанда және әлем елдерінде болған кейбір оқиғалар туралы апталық сурет баян ұсынады.
17 – 21 маусым, 2013 жыл
1
Атырауда 32 жастағы Гүлмира Жұмашева жеті жылға сотталды. Оған "кәмелетке толмағандарды азаптады", "террорды насихаттады" деген айып тағылды. Тергеушілердің айтуынша, ол асырап алған баласын ҰҚК ғимаратында жарылыс жасауға дайындаған.
2
Анкарада шерушілерге полиция су шашты.
3
Британдық футболист Дэвид Бекхэм (ортада) 18 маусымда Шанхайға барды. Университетке келген футболшыны фотокамера ұстаған фанаттар қоршап алды. Жергілікті ақпараттарға қарағанда, кісі көп келгені сонша, 5 адамның жағдайы нашарлап, кездесу өтпей қалған.
4
Жапония премьер-министрі Шинзо Абе (сол жақтан екінші) мен Ресей президенті Владимир Путин Ангела Меркельдің артынан кетіп барады. "Үлкен сегіздік" (G8) саммиті, Солтүстік Ирландия, 18 маусым 2013 жыл.
5
Катардың сыртқы істер министрінің көмекшісі Али бин Фахд аль-Хаджри (ортада) мен "Талибан" қозғалысының белсендісі Джан Мохаммад Мадани (сол жақта). Дохадағы "Талибан" кеңсесінің ашылу салтанаты. АҚШ талибтармен келіссөз жүргізбек.
6
Ауғанстанның Кабул қаласындағы БҰҰ босқындар лагерінде адамдар көлікке мініп жатыр.
7
АҚШ президенті Барак Обама Берлиндегі Бранденбург қақпасында сөйлеуге дайындалып отыр. 19 маусым 2013 жыл.
8
Алматы облысындағы Ақкөл музыка мектебінің 7-сынып оқушысы Ольга Вернигорова. Азаттықтың "Нұр Отан" партиясының мектеп ғимаратын алғалы жатқаны туралы мақаласынан кейін, биліктің ол әрекетін тоқтатқаны мәлім болды.
9
Ауғанстан әскеріне ел қауіпсіздігін күзету міндетін тапсырған НАТО сарбазының жасанды аяғы. Салтанатты шара Кабул маңында өтті. НАТО әскері 2014 жылы Ауғанстаннан кетеді.
10
"Қорғас ісі" бойынша сотта отырған айыпталушылар. Бұл - Қазақстандағы ең ірі сот процесінің бірі. Сотталушылар - 45 адам. Алматы, 20 маусым 2013 жыл.
11
Шеруші полициядан қашып келеді. Екі апта ішінде Бразилияның ірі қалаларында наразылық шарасына 200 мыңнан астам адам қатысты. Сан-Паулу, 18 маусым 2013 жыл.