Осы аптада әлемнің шартарабынан түсірілген фотоларды ұсынамыз. Азаттықтың фотогалереяларын мына сілтемеден көре аласыз.
"Қызыл әскер парады" және көне велосипедтер жарысы

1
Жұмыс күні аяқталысымен қызын ертіп үйіне бет алған көше сыпырушы. Үндістан, 8 қараша 2018 жыл

2
Ақ үй өкілі АҚШ президенті Дональд Трамппен "дауласқан" CNN тілшісі Джим Акостаның микрофонын алып алуға тырысып жатыр. Бұл оқиғадан соң Акостаның Ақ үйге кіруіне тыйым салынды. 7 қараша 2018 жыл

3
Индуизм дінінің өкілдері Тихар фестивалі кезінде құлшылық рәсімін орындап жатыр. Бұл ағым өкілдері сиырды қатты құрметтейді.

4
Қызыл армияның униформасын киген Ресей солдаттары қызыл алаңдағы парадқа дайындалып жатыр. Мәскеу, 7 қараша 2018 жыл

5
Германияның солтүстігінде орманда серуендеп жүрген адам. 7 қараша 2018 жыл

6
Сталин мен Лениннің портретін ұстаған Беларусь коммунистік партиясының мүшелері Минскідегі тәуелсіздік алаңында 1917 жылғы ұлы октябрь социалистік революциясының 101 жылдығын атап өтіп жатыр. 7 қараша 2018 жыл

7
Мәскеудің қызыл алаңында өткен әскери парад. 7 қараша 2018 жыл

8
Киевтегі парламент ғимаратының алдында салық заңын өзгертуге қарсылық білдірген белсенділердің бірі. 6 қараша 2018 жыл

9
Климаты құрғақ Кабулда жұмысшы ағашты суғарып жатыр. Ауғанстан, 6 қараша 2018 жыл

10
Өгіз арбаға жер шам тиеп, базарға сату үшін жолға шыққан үндістандық арбакеш. Нью Дели маңы, 5 қараша 2018 жыл

11
Қызыл армия формасын киген Ресей солдаттары. 1941 жылы майданға аттанған жауынгерлердің әскери парадын қайталауға тырысып жатыр. Мәскеу, 5 қараша 2018 жыл

12
Бірінші дүниежүзілік соғыстың аяқталуын атап өту шарасына дайындалып тұрған әскери форма киген актер. Бұл жерге сәлден соң президент Эммануэль Макрон келуі тиіс. Франция, 5 қараша 2018 жыл

13
Германияның Бавария аймағында бірінші дүниежүзілік соғыстың біткен күнін атап өту шарасына орай орнатылған инсталляция. 5 қараша 2018 жыл

14
Прагадағы көне велосипедтер жарысы. 4 қараша 2018 жыл