Бұдан 50 жыл бұрын, 1968 жылғы наурыздың 30-ы күні Мәскеуде совет ғарышкері Юрий Гагаринмен қоштасты. Адамзат тарихында алғаш рет ғарышқа ұшқан әйгілі тұлғаны ақтық сапарға шығарып салуға Қызыл алаңға мыңдаған адам жиналған. 1968 жылғы наурыздың 27-і күні Гагарин мен ұшқыш Владимир Серегин әуеде жаттығу жасап жүрген МиГ-15УТИ ұшағы Владимир облысындағы Киржач қаласы маңына құлап, екеуі де қаза тапқан
Юрий Гагаринмен қоштасу

1
1961 жылғы сәуірдің 12-і күні адамзат тарихында алғаш рет ғарышқа ұшып, Жерге оралғаннан кейін Юрий Гагарин Совет Одағының батыры атағымен марапатталған

2
Қызыл алаңда өткен қоштасу шарасына жиналғандар ұшақ апатында қаза тапқан Гагарин мен Серегиннің суреттерін ұстап тұр

3
Гагарин және Серегинмен қоштасу рәсімі

4
Қаралы шеру Мәскеудің Қызыл алаңында өтті

5
Гагарин және Серегинді ақтық сапарға шығарып салуға келген адамдар

6
Қызыл алаңдағы азалы шараға мыңдаған адам қатысты

7
Гагарин мен Серегинмен қоштасу қаралы жиыны Қызыл алаңдағы Ленин мавзолейі алдында өтті

8
Қаралы шеру кезінде марқұм Юрий Гагариннің мемлекеттік наградаларын әкеле жатқан әскери ұшқыштар

9
Юрий Гагарин және Владимир Серегинмен қоштасу рәсімі

10
Қызыл алаңдағы қаралы жиын

11
Совет Одағы коммунистік партиясы орталық комитетінің саяси бюро мүшелері Леонид Брежнев (алдыңғы қатарда оң жақта) пен Алексей Косыгин (алдыңғы қатарда сол жақта) Гагариннің күлі салынған қорапты көтеріп келеді

12
Қаралы шеруден көрініс

13
Гагарин мен Серегинді ақтық сапарға шығарып бара жатқан СССР коммунистік партиясы мен совет үкіметінің басшы қызметкерлері

14
Юрий Гагариннің жесірі Валентина Гагарина марқұм жұбайын жерлеу рәсімі кезінде Кремль іргесіне қойылған оның портретін сипап тұр

15
Юрий Гагарин мен Владимир Серегинді Кремль қабырғасының түбіне жерледі