Шавкат Мирзияевтың жеңіске жеткені хабарланды

Руслан БОТАЙҰЛЫ

5 желтоқсан 2016 жыл, 18:24

Шавкат Мирзияев. Ташкент, 5 желтоқсан 2016 жыл.

Өзбекстанда желтоқсанның 4-і күні өткен президент сайлауында Шавкат Мирзияев 88,6 пайыз дауыс жинаған.

Өзбекстан орталық сайлау комиссиясының (ОСК) хабарлауынша, сайлауға қатысқан халықтық-демократиялық партия үміткері Хотомжон Кетмонов – 3,73 пайыз, «Адолат» социал-демократиялық партия үміткеріНариман Омаров – 3,46 пайыз,«Миллий тикланиш» («Ұлттық жаңғыру»)партияcынан үміткері Сарвар Отамұратов 2,35 пайыз дауыс алған. Дауыс беруге сайлаушы тізіміндегі 20 миллион адамның 17,9 миллионы (87,83 пайызы) қатысқан.

ОСК президент сайлауы «таза және әділ өткенін» хабарлағанымен, кей жерлерде жәшікке бюллетендерді заңсыз тастау оқиғалары кездескен. Азаттықтың Өзбек қызметінің жазуынша, Өзбекстандағы президент сайлауын бақылаған Еуропадағы қауіпсіздік және ынтымақтастық ұйымының (ЕҚЫҰ) Ташкенттегі өкілі Петер Тейлер: «Өзбекстандағы президент сайлауы ұзақ уақыттан бері жалғасқан кемшіліктерді реттеу үшін жаппай реформа жүргізу керек екенін көрсетті. Елде қалыптасқан құқықтық жүйе демократиялық сайлау өткізуге қабілетті емес» деген.

ФОТОГАЛЕРЕЯ: Өзбекстандағы президент сайлауы

Өзбекстандағы президент сайлауы

Өзбекстан заңы бойынша, сайлаушылардың 33 пайыздан астамы дауыс берсе, сайлау өткен болып есептеледі.  <br />
<br />
Суретте: Ташкенттегі сайлау учаскесіне келген адамдар. 4 желтоқсан 2016 жыл. — 1/14 Өзбекстан заңы бойынша, сайлаушылардың 33 пайыздан астамы дауыс берсе, сайлау өткен болып есептеледі.

Суретте: Ташкенттегі сайлау учаскесіне келген адамдар. 4 желтоқсан 2016 жыл.

2/14 Өзбекстан ОСК-сі мәліметі бойынша, президент сайлауында сайлаушылардың 87 пайыздан астамы дауыс берген.

3/14 Өзбекстанда бұл сайлау елдің тұңғыш президенті Ислам Каримовтің қайтыс болуына байланысты өтіп жатыр. Каримовтің қазасын бұл елдің үкіметі 2016 жылы қыркүйектің 2-сі күні хабарлады. Келесі күні оны Самарқанда жерледі.

4/14 Сайлау бюллетенінде - төрт кандидат. Олар: қазіргі премьер-министр Шавкат Мирзияев (қазір президент міндетін атқарып отыр), Халықтық демократиялық партия атынан Хотамжон Кетмонов; «Миллий Тикланиш» партиясы атынан Сәруар Отамуратов; «Адолат» партиясынан Нариман Омаров.

5/14 Ислам Каримовтің қазасын хабарлағаннан алты күн өткенде 59 жастағы Мирзияевтің президент міндетін атқаратыны жарияланды.

6/14 Өзбекстан президенті бес жылға сайланады.

7/14 Самарқандағы сайлауды бақылаушылар.

8/14 Самарқандағы сайлау учаскесіне келген адамдар.

9/14 Ресейдегі өзбек мигранттар Мәскеудегі Өзбекстан елшілігіндегі сайлау учаскесіне кіруге кезекте тұр. 4 желтоқсан 2016 жыл.

10/14 Мәскеудегі Өзбекстан елшілігінің есігі.

11/14 Сайлауда 2003 жылдан бері Өзбекстан премьер-министрі болып келе жатқан Шавкат Мирзияев жеңеді деген болжам бар.

Мирзияевтің президент міндетін атқарушы болып тағайындалуы конституцияны бұзды. Бұл елдің негізгі заңында керекті жағдайда президент міндетін парламенттің жоғарғы палатасының спикері атқаратыны жазылған.  <br />
<br />
Суретте: Мирзияев Ташкенттегі сайлау бөлмесінен шығып келеді. — 12/14 Мирзияевтің президент міндетін атқарушы болып тағайындалуы конституцияны бұзды. Бұл елдің негізгі заңында керекті жағдайда президент міндетін парламенттің жоғарғы палатасының спикері атқаратыны жазылған.

Суретте: Мирзияев Ташкенттегі сайлау бөлмесінен шығып келеді.

13/14 Дауыс беру кабинасынан шыққан Мирзияев. Одан кейінгі - әйелі, жанында - немересі. Шавкат Мирзияевтің отбасы туралы ақпарат аз. Сайлау қарсаңында жарияланған ресми өмірбаянында оның некеде тұрғаны, екі қызы, бір ұлы бар екені, бес немеренің атасы екені жазылған. Осы мәліметтерге қарағанда, Шавкат Мирзияевтің әйелі Хошимова З.М. – инженер-экономист, қазіргі уақытта - үй шаруасындағы әйел.

14/14 Өзбекстан президенті міндетін атқарушы Шавкат Мирзияев (сол жақтан екінші) отбасымен бірге Ташкент сайлау учаскесінде суретке түсіп тұр. 4 желтоқсан 2016 жыл.

Желтоқсанның 4-і күні өткен президент сайлауына өзбек оппозициясы қатысқан жоқ. Өзбекстан заңы бойынша, президентке үміткер тек саяси партия атынан түседі. Елде төрт саяси партия бар және олардың бәрі өздерін билікшіл партиямыз деп санайды.

59 жастағы Шавкат Мирзияев қыркүйек айында Өзбекстанның бірінші президенті Ислам Каримов қайтыс болған соң президент міндет атқарушы болып келді. 2003 жылдан бері премьер-министр қызметін атқарған Мирзияевтың президент міндетін уақытша атқарушысы болуы конституцияға сай жарияланбаған. Өзбекстан конституциясы бойынша, президент міндетін уақытша атқару алдымен парламенттің жоғарғы палатасының спикеріне жүктелуі тиіс болатын. Мирзияев бұған дейін "Ислам Каримов салып берген саяси бағыттан айнымайтынын" мәлімдеген.

Сайлау күні дауыс беруге сайлау учаскесіне отбасымен келген Шавкат Мирзияев ешқандай сөз сөйлемеген. Оның бала-шағасы бұған дейін көпшілік алдына бірге шықпаған.

Өзбекстан заңы бойынша, президент инаугурациясы сайлаудан кейін екі айдан соң өтуі керек. Алайда ресейлік басылымдар Шавкат Мирзияевтың инауграциясы жаңа жылға дейін өтетінін жазып жатыр.

Accessibility links

Жазылыңыз

Шавкат Мирзияевтың жеңіске жеткені хабарланды

Өзбекстандағы президент сайлауы

Айдар