Азаттық 8-14 шілде аралығында Қазақстанда және әлем елдерінде болған кейбір оқиғалар туралы апталық сурет баян ұсынады.
8 - 14 шілде 2013 жыл
1
Иорданияның Амман қаласында 1-8 шілдеде өткен бокстан Азия чемпионатында Қазақстан құрамасы жеті алтын, бір күміс иеленіп, бірінші орынға шықты. Суретте: Жеңімпаз бокшылардың бірі Данияр Елеусінов.
2
Қытайда бұрынғы теміржол министрі Лю Чжицзюньді өлім жазасына кесті. Қытайдың мемлекеттік Xinhua агенттігінің жазуынша, бұрынғы министр пара алып, қызмет бабын теріс пайдаланғаны үшін айыпталған. 8 шілде 2013 жыл.
3
Қырғызстанның Талас облысы Қарабура ауданына қарасты Көксай ауылының тұрғындары Қазақстанмен арадағы шекара бөлісімен келіспей, наразылық танытты. 9 шілде 2013 жыл.
4
Канаданың Квебек провинциясында жүк пойызы апатынан опат болған адам саны 24-ке жетті. Ресми орындардың хабарлауынша, әзірге 50-ге тарта адам із-түзсіз жоғалғандар қатарына қосылған. 9 шілде 2013 жыл.
5
Қазақстан мұсылмандары ораза тұтуды бастады. 9 шілдеде басталған ораза 30 күнге созылып, 7 тамызда аяқталады. 9 шілде 2013 жыл.
6
Орал қаласында журналист Лұқпан Ахмедьяровқа жасалған қастандыққа қатысты үкім шықты. Төрт айыпталушы 11-14 жыл аралығына сотталды. 10 шілде 2013 жыл.
7
АҚШ-тың Бостон округтік сотында Бостон марафонында болған жарылыстарға күдікті Джохар Царнаевтың (суретте ортадағы адам) соты басталды. 10 шілде 2013 жыл.
8
Ресейдің жоғарғы соты елдің Ставрополь өлкесі мектептерінде оқушы қыздардың хиджаб тағуына салынған тыйымды қолдаған шешім шығарды. 10 шілде 2013 жыл.
9
Amnesty International (AI) халықаралық құқық қорғау ұйымы «Ескі әдеттер: Қазақстандағы азаптау мен басқа да қатыгез қарым-қатынас түрлерін тұрақты қолдану» атты есебін жариялады. Ұйым Қазақстан президенті Нұрсұлтан Назарбаевты "азаптауды доғарамыз, полицияның оқ атқанын тергейміз деп халықаралық қауымдастыққа жалған уәде берді" деп айыптайды.
Суретте: Amnesty International ұйымының зерттеулер жөніндегі бас директоры Никола Дакворф (оң жақта) және ұйымның Еуропа және Орталық Азия бағдарламасының директоры орынбасары Дэвид Диаз (сол жақта). Алматы, 11 шілде 2013 жыл.
Суретте: Amnesty International ұйымының зерттеулер жөніндегі бас директоры Никола Дакворф (оң жақта) және ұйымның Еуропа және Орталық Азия бағдарламасының директоры орынбасары Дэвид Диаз (сол жақта). Алматы, 11 шілде 2013 жыл.
10
Алматыда оппозиция өкілдерінің "Демократиялық күштер жиыны" өтті. 12 шілде 2013 жыл.
