Өзбекстан мен Швейцария 16 тамызда Берн қаласында "Швейцария аймағында тәркіленген заңсыз қаржыны Өзбекстан халқына қайтару" жөніндегі келісімге қол қойды.
Өзбекстан тарапынан келісімге әділет министрі Русланбек Давлетов, Швейцария тарапынан осы елдің президенті Иньяцио Кассис қол қойған.
"Бұл келісім Гүлнара Каримованың қылмыстық жолмен алынған және Швейцарияда заңдастырылған 131 млн доллар қаражатын Өзбекстан халқына тез арада қайтаруды көздейді", - деп жазылған Өзбекстанның әділет министрлігінің баспасөз қызметі таратқан хабарламада.
Келісімге сәйкес, автивті қайтарудың басты міндеттері мынадай: ақшаны жұмсауда ашықтық болуы қажет, оны бақылауға азаматтық қоғам өкілдері қатысуы керек. Қаржыны әлеуметтік салаға, оның ішінде білім беру мен денсаулық саласына жұмсауы керек.
Бұл қаражат БҰҰ жүйесіндегі Uzbekistan Vision 2030 қоры арқылы қайтарылмақ.
Өткен айда Швейцарияның апелляциялық палатасы Гүлнара Каримованың шағымын жартылай қанағаттандырған. Оған сәйкес, Гүлнара Каримоваға бұғатталған қаржының 293 млн франкы (303 млн доллар) қайтарылады.
Бұған дейін Өзбекстанда кейбір ұйымдар Гүлнара Каримованың қаржысын Өзбекстанға қайтару процесі ашық жүріп жатпағанын айтып, мәселеге алаңдаған.
Өзбекстанның тұңғыш президентінің үлкен қызы Гүлнара Каримова 2015 жылы бес жылға сотталған. Кейін 2020 жылдың наурыз айында оған қосымша айыптар тағылып, тағы 13 жыл, 4 айға сотталған. Қазір ол әйелдер колониясында жазасын өтеп жатыр.
ОҚИ ОТЫРЫҢЫЗ
Құқық қорғаушылар: Гүлнара Каримованың ақшасын Өзбекстанға қайтару процесі ашық емес Өзбекстан Швейцариядан Гүлнара Каримованың тағы да 10 миллион долларын алдырғанын хабарладыТашкент Гүлнара Каримованың Швейцария соты құлыптаған ақшасын қайтарғысы келеді Өзбек омбудсмені түрмедегі Гүлнара Каримованың жағдайын баяндадыThe Guardian: Джонсон партиясының демеушісі Гүлнара Каримоваға пара берер кезде кеңесші болған