30 мамырға қараған түні Ресей Украинаға Иранның "Шахед" дрондарымен шабуыл жасады деп хабарлады Украина әуе күштерінің қолбасшылығы. Дронның басым бөлігі Киевке шабуыл жасаған.
Украина әуе қорғанысының мәліметінше, барлығы 31 камикадзе-дрон жіберілген. Оның 29-ы атып түсірілген.
Киев билігінің хабарына қарағанда, атып түсірілген дрон құлағанда қаланың оңтүстік-батысында бір адам өлген. Бір жеке үй мен қала орталығында бірнеше автокөлік өртенген.
Украина билігі мамыр басталғалы Киевке осымен 17-рет шабуыл жасалды деп есептеп отыр. Украина әуе күштері зымырандар мен дрондардың басым көпшілігін атып құлатқанын хабарлады. Бұл мәліметті соғыс жағдайында тәуелсіз көзден тексеру мүмкін емес: Киев атыс салдары туралы ақпаратқа әскери цензура қойған.
ОҚИ ОТЫРЫҢЫЗ Зеленский Иранға 50 жыл санкция салуды көздейтін қаулы жобасын ұсынды