Азаттық радиосына телефон арқылы хабарласқан жаңаөзендік тұрғындар «қала өлі мекенге айналды, көшелер қаңырап бос қалды, беріліп жатқан ақпараттар – жалған» дейді. Ал бас прокуратура «Жаңаөзен мен батыс аймақтағы жағдай бірқалыпты» екенін айтады.
Жаңаөзен тұрғыны Гүлжамал Нұрғалиеваның айтуынша, «қаладағы ахуал өте нашар».
– Жаңаөзендегі оқиғаларда қаза болғандардың саны ресми мәліметпен салыстырғанда әлдеқайда жоғары, – дейді ол.
Гүлжамал Нұрғалиева ері, «Өзенмұнайгаз» компаниясының бұрынғы жұмысшысы Нұрлыбек Нұрғалиевтің 16 желтоқсанда Жаңаөзендегі оқиға барысында оқ тиіп жараланып, қазір Ақтаудағы ауруханада жатқанын айтты.
Your browser doesn’t support HTML5
Жаңаөзен тұрғыны Гүлжамал Нұрғалиева
Жаңаөзен тұрғыны Айгүл Жалғасбаеваның айтуынша, «қаладағы жағдай қиын, бірақ дүкендер ашыла бастаған».
Your browser doesn’t support HTML5
Жаңаөзен тұрғыны Айгүл Жалғасбаева
Осы кенттің енді бір тұрғыны Гүлбаршын «билік Жаңаөзендегі оқиға туралы жалған ақпарат беріп жатыр» дейді.
Your browser doesn’t support HTML5
Жаңаөзеннің тұрғыны Гүлбаршын
Ал Қазақстан бас прокуратурасы бүгін "Жаңаөзен, Ақтау қалалары мен Шетпе ауылындағы, жалпы аймақтағы жағдай тұрақты және құқық қорғау органдарының бақылауында" деп хабарлады.