Азаттық радиосы

Навальныймен қоштасу, Достияровты ұстау – AzatNEWS | 01.03.2024

– Ресейде мыңдаған адам оппозициялық саясаткер Алексей Навальныймен қоштасты. Рәсімге барғандар "кешірмейміз", "қорықпаймыз" деп ұрандатты. – Алматыда азаматтық белсенді Абзал Достияровты полиция ұстады. Оны рұқсат етілмеген митингіге шықты деп айыптап жатыр. – Өскеменде қандастарға мемлекет салып берген үйлер неге сапасыз? Тұрғындар әкімдіктен баспананы жөндеп беруді талап етеді, ал депутат әркім өзі жауапты дейді.

Freedom House-тың жылдық есебі шықты. Қазақстан туралы бөлімінде не айтылған?

Әлия Назарбаеваны айыптау, ереуілшілерді жұмыстан шығару - AzatNEWS | 28.02.2024

Астанада кәсіпкер экс-президент Нұрсұлтан Назарбаевтың кіші қызы Әлия Назарбаева кәсібімізді рейдерлікпен тартып алды деп баспасөз жиынын өткізді. Мәселе мәжілісте де сөз болды.

Қазақстан түрмесіндегі бір жыл, Еуропадағы сергелдең. Қарақалпақ белсендісі көрген шырғалаң

Қазақстанда тұратын қарақалпақ диаспорасының белсендісі, Өзбекстан азаматы Қошқарбай Төремұратов Еуропаның орталығында қиын жағдайға тап болды. Құқық қорғаушылардың айтуынша, оны жақында Еуропаның бір елінен басқа елге шығарып, ары қарай Өзбекстанға экстрадициялауы мүмкін. Өз елінде Төремұратов пен бірнеше жақтасына айып тағылған. Мұны да құқық қорғаушылар Ташкенттің Нөкістегі ереуілді басып-жаншығаны сияқты репрессиялық науқандарының бір бөлігіне теңейді.

Биыл – шешуші жыл. Украинадағы соғыс қашан аяқталады?

Соғыс тоқтай ма? – AzatNEWS | 23.02.2024

Ресей Украинаға басып кіргелі 2 жыл болды. Соғыстың жақын арада тоқтайтын түрі көрінбейді.

"Кейінгі 30 жылда бұлай өршімеген". Қызылша дерті дес бермей тұр

Қазақстанда қызылша ауруына шалдыққандар 2023 жылдың аяғында анықтала бастаған. Жұқпалы дерт содан бері бәсеңдемей келеді. Қазір балалар ғана емес, ересектер де ауырып, қызылша жұқтырған адам саны күн сайын көбейіп барады.

Путинді Байден балағаттап, Тоқаев мақтады - AzatNEWS | 22.02.2024

АҚШ президенті Байден Ресей президентін "иттің баласы" деп балағаттады. Қазақстан президенті Тоқаев Путинді "жаһанның күн тәртібін қалыптастырып отыр" деп мақтады.

Тыйым салынған тауарды Еуропадан Ресейге тасуға қазақстандық компанияны қалай пайдаланды?

Buro Media, Verstka және OCCRP әскери қаруға қажет бөлшектер жасауға қолданылатын жоғары технологиялық жабдықтарды Еуропадан Ресейге жеткізудің "жалған транзит" жолын әшкерелеген жаңа зерттеуін жариялады. Журналистер Ресейге сатуға тыйым салынған тауар қазақстандық компанияның тапсырысымен алынып, Беларусь арқылы жеткізілгенін анықтаған.

Алматыдағы Назарбаев ескерткіші алына ма?

Қазақстанда экс-президент Назарбаевтың ескерткіштері бірінен соң бірі тұғырынан тайып жатса да, Алматыдағы ескерткіші әлі орнында тұр. "Оны алып тастау жоспарда бар ма?" деген сауалға қала әкімдігі әлі жауап бермеді. Ал тұрғындар уәжі әр түрлі.

Қытайдың "тыңшысы", Путиннің "ойыны" – AzatNEWS | 21.02.2024

Халықаралық спорт олимпиадаларынан шектелген Ресейде "Болашақтың ойыны" турнирі басталды. Ашылу салтанатына Орталық Азия президенттері де қатыспақ.

"Мама, жыламашы, бәрі жақсы болады". Гемофилияға шалдыққан бала мен ата-ананың тауқыметі

Ақжан мен Дарьяға балаларының әр басқан қадамы уайым, өйткені олар гемофилияға шалдыққан. Құлап не бір жерін жаралап алса қан тоқтамай ағады. Мұндай жағдайда балаға тек арнайы екпе көмектеседі. Азаттық осындай дертке душар болған балалардың ата-аналарымен сөйлесті.

Навальный өлімінің сыры ашыла ма? - AzatNEWS | 19.02.2024

Түрмеде өлген орыс оппозиционері Алексей Навальныйдың мәйіті туыстарына әлі берілген жоқ. ||Алматыда заңгерлер президент Қасым-Жомарт Тоқаевтың бастамасымен құрылған "Ұлттық құрылтайды" тіркелмеген ұйым деп атап, сотқа арыз жазды. || Маңғыстауда өрт сөндірушілер ереуілдеп жатыр.

Алексей Навальный түрмеде көз жұмды – AzatNEWS | 16.02.2024

Владимир Путиннің оппоненті, ресейлік саясаткер Алексей Навальныйдің түрмеде көз жұмғаны хабарланды.

Алексей Навальныйдың түрмеде көз жұмғаны хабарланды

Жеке дерек көпке тарап кетіп, әл-Фараби университеті дауға қалды

14 ақпанда әл-Фараби атындағы Қазақ ұлттық университетінің екі жүзге жуық студентінің жеке дерегі, арасында қыздардың жыныстық өмірі жөніндегі мәліметі бар ақпарат желіге тарап кетіп, қоғам наразылығын тудырды. Алматы прокуратурасы қылмыстық бап бойынша тергеу басталғанын мәлімдеді.

"Бәрі пәк, кінәсіз". Оралда кісі өлімінен кейін судьяның ұлы мен оның танысын соттап жатыр

Ұрып-соғып, пышақтап, айдалада қалдырған. Орал көшесінен өлі табылған Нариман Рагуфтің қазасына күдікті ретінде жергілікті судьяның ұлы мен оның танысы тұтқындалып, істі болды. Оларға "Бұзақылық" және "Адам ұрлау" баптары бойынша айып тағылған.

"Пышақтап, тепкілеген". Кісі өлімі туралы істі неге "бұзақылық" бабымен қарап жатыр?

Былтыр көктемде Орал қаласының маңынан денесінде пышақ пен соққы іздері бар 21 жастағы жігіт өлі табылған. Тергеу бұл оқиға кісі өлтіруге жатпайды деп ұйғарды. Күдікті екі жас жігіттің үстінен қозғалған іс бір жылдай уақыт өткенде сотқа жетті. Күдіктілердің бірі – судьяның ұлы.

Кәсіпкерлер наразылығы, Канделаки тауарларына қарсылық – AzatNEWS | 15.02.2024

Салықтың салмағы. Алматыда кәсіпкерлер әкімдікке келіп талап айтты. // "ҚазМұнайгаз" Маңғыстауда ереуілдеп тұрған жұмысшылар мемлекетке 1 млрд теңге шығын келтірді деп мәлімдеді. // "Қазақстан орыс тілін шектеп жатыр" деген ресейлік тележүргізуші Тина Канделакидің тауарлары сөрелерден алынып жатыр.

"Шехерезада" ертегісі. Италия портындағы "Путин яхтасы" үстінде дрондар шайқасты