Азаттық радиосы Украин қызметінің тілшісі Марьян Кушнир Украинаның Донецк облысындағы соғыс жүріп жатқан Белозерск қаласына жету үшін шамамен 20 шақырым жаяу жүрді. Әскерилердің айтуынша, кейінгі бір жылда Ресей әскерінің соққыларынан қалада тіршілік тоқтаған.
Украинаның Францияда жаттыққан 155-жеке механикалық бригадасында дезертирлер көбейіп, командирі қамауға алынып, қалған жауынгерлер құрал-жабдық тапшылығына шағынып жатыр. Қазір бұл бригада Покровск қаласын Ресейдің шабуылынан қорғау міндетін атқарып отыр.
