Тонни Блейермен бірлесіп өткізген баспасөз мәслихатында президент Джордж Буш Ирақ мәселесі жөнінде бір қатар мәлімдеме жасады. Ирақтан кезінде төнген қауіп шынында да зор болды, Саддам Хұсейннің қолындағы жойқын қару жөніндегі мәлімет нақты деректерге сүйенді, Саддамды биліктен тайдыру - терроризмге қарсы соғыстың бір ғана бөлігі, деді президент Буш.
"Ирақтың жойқын қаруы жөнінде қате тұжырым жасалмады деп Тонни Блейер екеумізге дәлел айтудың қажеті болмайды", - деді Джордж Буш.
