Мысыр полициясы Шарм Аш-Шайхтағы жарылыстарға қатысы бар-ау деген 6 пәкістандықты іздестіру үстінде

ҚАЙЫР. Мысыр полициясы сенбіге қараған түні Шарм Аш-Шайх курортында болған лаңкестік шабуылдарды жүзеге асырған лаңкестерді іздеп қала төңірегіндегі таулы ауданды тінту үстінде. Ақырғы мәлімет бойынша, қаза болған 88 адамның арасында кем дегенде 17 шетелдік турист бар. Мысырдың барлау қызметінің өкілін сілтеп көрсеткен Ассошэйтед Пресс агенттігінің хабарлауынша, қаза болған 2 лаңкестің ДНК-сін зерттеу бірінің мысырлық, екіншісінің шетелден келгенін анықтап берді. Алғашқыда 3 жарылысты іске асырғандар түгел бас сауғалап үлгерді деп саналған-ды.