Кеше БҰҰ-ның Қауіпсіздік кеңесі Иранның ядролық бағдарламасы бойынша талқылауды белгісіз мерзімге кейінге шегерді

Кеңеске тұрақты мүше бес елдің өкілдері Иранның ядролық мәселесіне байланысты қарар жобасы бойынша ортақ келісімге келе алған жоқ. АҚШ пен Еуропалық одақтастар Иран уран байытуды толық тоқтатсын дегенімен, Ресей мен Қытай бұл талаппен келіспейді. Иранның рухани көсемі Аятолла Әли Хамени Иран өзінің ядролық мақсатын көздейді деп атап көрсетті. БҰҰ-ның ол қадамды тоқтатпақшы болған кез-келген шарасын Иран қабылдамайды деген ол.