Әлем біріншілігінің жартылай финалында бірыңғай еурпалық құрамалар ойнайды

ДОРТМУНД. Бүгін Германия мен Италия құрамалары Әлем біріншілігінің ертең сейсенбі күні Дортмунд қаласында өтетін жартылай финал ойынына дайындалу үстінде. Жартылай финалдың келесі жұбында сәрсенбі күні Франция мен Португалия құрамалары бақ сынайды. Бұл Әлем Кубогінде жартылай финалға 1982-інші жылдан бері алғаш рет бірыңғай еуропалық құрамалар шығып отыр. Финалдық кездесу – осы жексенбі күні Берлинде өтеді.