Әлемдік ұйымдар өзбек журналисіне араша түсіп жатыр

Нью-Йоркте орналасқан "Журналистерді қорғау комитеті" Өзбекстанда тәуелсіз журналист Ұлықбек Қайдаровтың сотталғанына сөгіс айтты. Жизақ қаласының соты бейсенбі күні Ұлықбек Қайдаровты алты жыл түрмеге кесті, журналист бопсалау жасады деп айыпталды. Сөз бостандығын қорғайтын ұйымдар Ұлықбек Қайдаров өз кәсібіне адал журналист, өзбек үкіметі оның ауызын жапқысы келеді дейді. Ұлықбек Қайдаров өткен айда қамалды, сол күндері оның досы, тәуелсіз журналист, өзбек президентінің немере інісі Жәмшид Кәрімов жоғалған болатын. Жәмшид Кәрімов психиатриялық ауруханаға қамалған делінеді.