Accessibility links

2006 жыл қортындысы: басты тақырыпқа айналған жағымды жаңалықтар


Жағымсыз хабар әрдайым басты тақырыпқа айналады. 2006 жылы ондай адам шығыны мен қақтығыстар туралы оқиғалар Ирақтан бастап Ливан, Ауғаныстан жерлерінде өте көп болды. Бірақ, өткен жыл біраз жақсы жаңалықтар да әкелді. Бұл тұрғыда «Азаттық» радиосының тілшісі Кэтцлин Мур 2006 жылғы көңіл көтеруге себеп болатын аздаған жағдайлардың болғанын алға тартады.

2006 жыл әдеттегідей әлемдегі ең бай адамдардың тізімі ұлғайғанын, олардың қаржы қорларын қандай мақсатқа жұмсап, қайырымдылық жасағаны туралы айтады. Бұл сондай көңіл көтерерлік жаңалық емес деп ойлауыңыз мүмкін. Бірақ, осы жылы бірнеше өте байқуатты азамат өз ақшаларын өнер аукциондарындағы жоғарғы бағаға салғаннан гөрі, көбірек мұрагерлікке қалдырғылары келіпті. Сондай жағдайлардың бірі маусым айында болып, дүниежүзіндегі екі қалталы азамат әлемдегі ең үлкен қайырымдылық қорын құруға күш салды.

Мәселен, американдық инвестор Уаррен Баффет өз байлығының 31 млд долларын неліктен Билл мен Мелисса Гэйтс қорына бергенін былай түсіндіреді:

“Менің негізгі ойым, 50 жыл бұрын менің әйеліммен бірге өмір бойы жинаған байлығыммен қалыптасты. Оның мені аман алып шыққан мүмкіндіктері жақсы болды деп ойладым. Біз қаражаттың қоғамға қайтарылу жөнінде әрқашанда келісімде болдық. Бірақ, оны жүзеге асыра алатын адамның бірі ол болатыны турасында біз жеткілікті ойландық”-деген қаржы алпауыты Баффеттің әйелі оның алдында қайтыс болыпты.

Сондықтан, бұл инвестор өзінің көзі тірісінде қаржысын игілікті істерге, бұл жағдайда ауру және кедейлікпен күресуге, әлем бойынша білімді жетілдіру саласына салуға ұйғарып, соңғы кезде өсе түскен миллиардерлер қатарына қосылып отыр.

Майкрасофттың негізін қалаушы Билл Гэйтс болса, ол да өзінің қайырымдылық жұмыстарына барынша назар қойып, ірі компьтерлік бағдарламаларды жасайтынын айтты.

Сонымен қатар басқалар да, мысалы Нью-Йорк қаласының миллиардері Майкл Блумберг жұмысынан кеткен соң, өзінің филантропия саласына кеткісі келетін айтқан. Міне, осылайша, тапқан-жиғаныңды өзіңмен бірге алып кете алмайтының тағы көбірек айқындалып отырғанға ұқсайды.

Қарап отырсақ, күн сайын әлемдегі қақтығыс аймақтарынан адам өлімі жайында жаңа хабарлар түсіп жатады. Бірақ, қақтығыстар жайындағы деректерге қарағанда, осы жылдың басындағы хабарлар айтарлықтай болды. Маусым айында Швецияның бейбітшілікті зерттеушілері дүниежүзіндегі үлкен қарулы қақтығыстардың төмендей бастағанын айтты. Стокгольмдегі бұл халықаралық бейбітшілік сарапшылары бұрынғы қырғи-қабақ соғысы кезіндегіден ірі деген 17 қарулы қақтығыстың өзі төмен екеніне тоқталған. Сарапшылар оның азаюына себеп болған бірқатар жағдайларды атап өтті. Олардың бағамдауынша, отарлық күрестер мен тәуелсіздік үшін соғыстардың уақыты өтті. Бітімгершілік және дипломатиялық миссиялар соңғы жылдары жақсы істер атқарып, Азия сияқта елдерде экономикалық өркендеу көбейді. Әрине, мұнда кейбір ескеретін жайттар да бар екені белгілі. Мәселен, бұл есептерге осы жаздағы Израйл мен Хизболла арасындағы соғыс кірмеген, өйткені біз айтып отырған хабарлар тек 2005 жылдың соңына дейінгі деректер болып отыр. Десе де 2006 жылы ұзақтан бері келе жатқан екі қарулы топ өздерінің соғыстарын тоқтататынын айтты. Оның бірі наурыз айында Еуропадағы үлкен жауынгерлік топтың бетін бүркемелеген өкілі былай деген:

“ЕТА тобы 2006 жылдың 26-шы наурызынан бастап тұрақты қарулы қақтығыстарын тоқтату жөнінде шешім қабылдағанын жариялайды”- деп, айтқан еді Испаниядан тәуелсіздік алуды көздеген ЕТА Баск ұйымының өкілі.

Олардың қақтығысы 800-ден аса адамның өмірін қиған.

Және қараша айында Непал үкіметі мен Мао көтерлісшілері ондаған жылдарға созылған соғысын аяқтап, бейбітшілік келісіміне қол қойысты.

Және де 2006 жылдағы адам құқықтары жағдайы, денсаулық проблемасы мен қоршаған ортаның ластанғаны жөнінде де бірқатар деректер айтылып отыр. Соынмен қатар, бұл хабарымызды, жағымды жаңалықпен аяқтасақ, осыған дейін айтылып жүргендей, ұялы телефон пайдаланушылар рак ауруына ұшырауы мүмкін деген алаңдаушылықты Даниялық ғалымдар жойып отыр, олар өз зерттеулеріне сәйкес ұялы телефон пайдаланушылардың миына радио толқындар әсер етіп, оларда рак дерті болу мүмкін дегенді жоққа шығарып отыр.

AzattyqTV

Аудиоподкаст

XS
SM
MD
LG