Кандидат Муссави әйелдер заңын қайта қарауға сөз берді

Иран президенттігінен үміткер Мир Хоссейн Муссави егер алдағы сайлауда жеңіске жетсе, елдегі әйелдерге қатысты әділетсіз заңдарды қайта қарауға сөз беріп отыр.
Францияның AFP ақпарат агенттігінің хабарлауынша, Муссави сайлауалды науқаны кезінде, елдегі әйелдердің құқын шектейтін әрі әділетсіз заңдарды парламентке ұсынып, қайта қарауға уәде берген. Және реформашыл кандидат егер маусымның 12-дегі президенттік сайлауда жеңетін болса, көшедегі моралдық полиция сақшыларын алуды да қарастыратынын айтты.