Техранда мыңдаған адам полициямен шайқасуда

Бұл оқиға Иран президенті Махмуд Ахмадинежадтың осы қызметіне қайта сайлануына орай туындаған дау-дамайға байланысты қалыптасып отыр.

Оның қарсыласы, реформашыл Мир Хусейн Мусави жұмадағы президенттік сайлауды қауіпті ойын деп атаған болатын.

Ахмадинежад теледидар арқылы сөйлеген сөзінде сайлау әділ де еркін өтті, деді.

АҚШ Мемлекеттік хатшысы Хиллари Клинтон аталған сайлауды Құрама Штаттардың бақылағанын айта келіп, сайлау қортындысы халық тілегіне сай болды деп үміттенетінін жеткізді.