Президент Назарбаев бүгін Әзірбайжанға барады

Қазақстан президенті Нұрсұлтан Назарбаев бүгін ресми сапармен Әзірбайжанға барады.

Осы сапардың жоспарының бірқатар тұстары ғана жарияланды, бірақ Бакудегі Қазақстан елшілігіндегілер Назарбаевтың бұл сапары екі ел арасындағы «әріптестікті арттыруды» көздейтіндігін айтып отыр.

Қазақстан басшысы әзірбайжандық бірқатар ресми тұлғалармен кездесіп, кең ауқымды мәселелерді, соның ішінде сауда және энергетикалық ынтымақтастықты талқылайды.