Азаттық 10 - 16 наурыз аралығында Қазақстанда және әлемде болған кейбір оқиғалар туралы апталық сурет баян ұсынады.
Апта бейнелері: 10 - 16 наурыз
1
Қырымда 10 наурызда украиналық телеарналар хабарын тарату тоқтатылды. Бұған дейін украиналық телеарналар хабар таратып келген жиіліктерінде ресейлік телеарналар хабары көрсетіле бастады.
Қырым билігі тарапынан бұған қатысты ресми комментарий берілген жоқ. Еуропадағы қауіпсіздік және ынтымақтастық ұйымы "экстремалдық цензураны, бұқаралық ақпарат құралдарын жабуды, сонымен бірге журналистерге шабуыл жасау және оларды қорлауды" доғаруға шақырды.
Қырым билігі тарапынан бұған қатысты ресми комментарий берілген жоқ. Еуропадағы қауіпсіздік және ынтымақтастық ұйымы "экстремалдық цензураны, бұқаралық ақпарат құралдарын жабуды, сонымен бірге журналистерге шабуыл жасау және оларды қорлауды" доғаруға шақырды.
2
11 наурызда Украинаның биліктен кетірілген президенті Виктор Янукович Ресейдің Дондағы Ростов қаласында осымен екінші рет журналистер алдына шығып, мәлімдеме жасады. Ол Украинада "билікті Киевте ғана емес, жер-жерде де басып алған әсіре ұлтшылдар мен фашистердің бандасы әрекет етіп жатқанын" айтты.
Янукович өзінің Украинаның "заңды жолмен сайланған президенті және Украина қарулы күштерінің бас қолбасшысы" екенін мәлімдеп, "Киевке міндетті түрде оралатынын" ескертті.
Украина билігі Януковичті "Киевтегі наразылық акциялары кезінде қасақана кісі өлімін ұйымдастырды және елдің конституциялық құрылымын құлатуға шақырды" деп айыптайды.
Янукович өзінің Украинаның "заңды жолмен сайланған президенті және Украина қарулы күштерінің бас қолбасшысы" екенін мәлімдеп, "Киевке міндетті түрде оралатынын" ескертті.
Украина билігі Януковичті "Киевтегі наразылық акциялары кезінде қасақана кісі өлімін ұйымдастырды және елдің конституциялық құрылымын құлатуға шақырды" деп айыптайды.
3
11 наурызда Астананың әкімшілік соты азаматтық белсенді, "Антигептил" қозғалысының мүшесі Махамбет Әбжанды жеті күнге қамауға шешім шығарды. Сот оны "заңсыз жиын ұйымдастырып өткізгені үшін айыпты" деп таныды.
Әбжан наурыздың 3-і күні Ресей елшілігінің алдында Украина аумағына ресейлік әскерилердің енуіне наразылық акциясына қатысқаны үшін әкімшілік сотқа тартылды.
Әбжан наурыздың 3-і күні Ресей елшілігінің алдында Украина аумағына ресейлік әскерилердің енуіне наразылық акциясына қатысқаны үшін әкімшілік сотқа тартылды.
4
12 наурызда Астананың Сарыарқа аудандық сотында «Махаббат» кешенінде тұратын бір отбасының баспанадан шығару мерзімін шегеруді сұрап берген шағымы қаралды. Арыз иелерін қолдау үшін кішкентай балаларын ертіп сотқа өзге тұрғындар да келді. Олардың арасында өткен аптада «ҚазМедиа Орталығы» алдында наразылық шарасын өткізбек болған әйелдер мен балалар да бар. Ол жолы полицейлердің 30-дан аса баланы ересектермен бірге автобусқа тиеп әкетіп, бірнеше сағат бөлімшеде ұстағаны әлеуметтік желілерде билік органдарының әрекетіне наразылық туғызған еді.
5
12 наурызда Швейцария прокуратурасы Өзбекстан президенті Ислам Каримовтың үлкен қызы Гүлнара Каримованың үстінен "ақша жымқыруға" байланысты күдік бойынша іс қозғағанын хабарлады. Ресми ақпаратта бұл істі тексеру Швеция мен Францияда да жүргізіліп жатқаны айтылған. Швейцария билігі жалпы сомасы 660 миллион еуро бар шоттарға бұғау салынғанын хабарлады.
6
13 наурызда Пекинде Бүкілқытайлық халық депутаттарының жыл сайынғы сессиясы аяқталды. Сессияда депутаттар басқарушы Қытай коммунистік партиясының экономикалық реформаларды жеделету туралы жоспарын қолдады.
Сессияда премьер-министр Ли Кэцян талқылауға ұсынған 2014 жылдың бюджеті қабылданды. Онда қорғанысқа бөлінетін қаржыны 12,2 пайызға көбейту жоспарланған. Үкімет қорғанысқа бөлінетін қаржыны көбейту елдің қарулы күштерін модернизациялау қажеттіігінен туындап отыр деп түсіндіреді.
Сессияда премьер-министр Ли Кэцян талқылауға ұсынған 2014 жылдың бюджеті қабылданды. Онда қорғанысқа бөлінетін қаржыны 12,2 пайызға көбейту жоспарланған. Үкімет қорғанысқа бөлінетін қаржыны көбейту елдің қарулы күштерін модернизациялау қажеттіігінен туындап отыр деп түсіндіреді.
7
13 наурызда бундестагта сөйлеген Германия канцлері Ангела Меркель Ресей Украинадағы тұрақтылықты қалпына келтіруге септесер серіктес болудың орнына, бұл елдегі қиын жағдайды өз мақсат-мүддесіне пайдаланып қалуды жөн көріп отыр деп мәлімдеді. Қырымдағы соңғы іс-әрекеттерінің саяси және экономикалық салдары Ресейге тым ауыр соғуы мүмкін деп ескертті Меркель.
Украина территориясының тұтастығы ешқандай шүбә туғызбауы тиіс деп мәлімдеген Меркель Қырымға ресейлік әскерилерді орналастыру халықаралық құқық нормаларын тікелей бұзу болып табылады деп атап өтті.
Украина территориясының тұтастығы ешқандай шүбә туғызбауы тиіс деп мәлімдеген Меркель Қырымға ресейлік әскерилерді орналастыру халықаралық құқық нормаларын тікелей бұзу болып табылады деп атап өтті.
8
Украина премьер-министрі Арсений Яценюк 13 наурызда БҰҰ Қауіпсіздік кеңесінің төтенше жиынында сөз сөйлеп, өз елі "еш себепсіз және негізсіз" әскери басқыншылыққа ұшырағанын, бірақ дағдарысты бейбіт жолмен шешуге мүмкіндік барын мәлімдеп, Ресейді келіссөз өткізуге шақырды.
Одан бір күн бұрын Яценюкпен Ақ үйде кездескен АҚШ президенті Барак Обама Украинаның территориялық тұтастығын сақтауда Вашингтонның осы ел жағында болатынын мәлімдеген. Обаманың айтуынша, Ресей президенті Владимир Путин Украина дағдарысына қатысты ұстанымын өзгертпесе, Батыс елдері шаралар қолдануға мәжбүр болады.
Одан бір күн бұрын Яценюкпен Ақ үйде кездескен АҚШ президенті Барак Обама Украинаның территориялық тұтастығын сақтауда Вашингтонның осы ел жағында болатынын мәлімдеген. Обаманың айтуынша, Ресей президенті Владимир Путин Украина дағдарысына қатысты ұстанымын өзгертпесе, Батыс елдері шаралар қолдануға мәжбүр болады.
9
Осы аптада Австрия полициясы "пара алды және астыртын сөз байласты" деген күдікпен АҚШ құқық қорғау органдары іздеу жариялаған украиналық 48 жастағы олигарх Дмитрий Фирташтың Венада ұсталып, қамауда отырғанын хабарлады.
Дмитрий Фирташ - Украинаның ең бай адамдарының бірі және оның Ресеймен тығыз байланысы бар. Ол өз капиталын газ, химикат саудасы және бұқаралық ақпарат құралдары мен банк секторындағы бизнесі арқылы жинаған. Фирташ биліктен қуылған Украина президенті Виктор Януковичтің жақын серіктерінің бірі саналады.
Дмитрий Фирташ - Украинаның ең бай адамдарының бірі және оның Ресеймен тығыз байланысы бар. Ол өз капиталын газ, химикат саудасы және бұқаралық ақпарат құралдары мен банк секторындағы бизнесі арқылы жинаған. Фирташ биліктен қуылған Украина президенті Виктор Януковичтің жақын серіктерінің бірі саналады.
10
13 наурызда Украинаның Донецк қаласында ресейшіл және украинашыл шерушілер арасында болған қақтығыстар салдарынан бір адам қаза тауып, бірнеше адам ауруханаға түскен.
Ал ертеңінде Харьков қаласында болған қақтығыстарда екі адам мерт болды.
Ал ертеңінде Харьков қаласында болған қақтығыстарда екі адам мерт болды.
11
14 наурызда АҚШ мемлекеттік хатшысы Джон Керри мен Ресей сыртқы істер министрі Сергей Лавров Лондонда кездесіп, Украинадағы жағдайды талқылады. Алты сағатқа созылған келіссөздерде тараптар Қырымға қатысты келісімге келе алмағаны хабарланды.
Лавров 16 наурызда Қырымда Ресейге қосылу туралы өтетін референдумде "сайлаушылардың білдірген таңдауын Ресей құрметтейді" деп мәлімдеді. Керри Қырымдағы референдумды Вашингтонның мойындамайтынын, Қырым мен Украинаның шығыс шекарасында Ресей әскерінің шоғырлануы АҚШ-тың алаңдаушылығын туғызып отырғанын айтты. Ол егер Мәскеу Украинаға қатысты іс-қимылында бағытынан қайтпаса, батыс елдері тарапынан қатаң реакция болатыны туралы ескертті.
Лавров 16 наурызда Қырымда Ресейге қосылу туралы өтетін референдумде "сайлаушылардың білдірген таңдауын Ресей құрметтейді" деп мәлімдеді. Керри Қырымдағы референдумды Вашингтонның мойындамайтынын, Қырым мен Украинаның шығыс шекарасында Ресей әскерінің шоғырлануы АҚШ-тың алаңдаушылығын туғызып отырғанын айтты. Ол егер Мәскеу Украинаға қатысты іс-қимылында бағытынан қайтпаса, батыс елдері тарапынан қатаң реакция болатыны туралы ескертті.
12
15 наурызда Қырымның мәртебесіне қатысты референдумды заңсыз деп тану туралы Біріккен Ұлттар Ұйымы Қауіпсіздік кеңесіне АҚШ әзірлеп ұсынған қарар жобасына Ресей вето қойды. Қауіпсіздік кеңесіне мүше 13 мемлекет қарар жобасына қолдап, Қытай қалыс қалды.
Киев бұл референдум Украина конституциясына қайшы екенін айтып, оның заңды күші жоқ деп біледі. АҚШ және өзге де батыс елдері халықаралық қауымдастықты даулы референдумды мойындамауға шақырып отыр. Қырымды Ресейдің қанатының астына алуды көздейтін референдумды Мәскеу қолдайды.
Киев бұл референдум Украина конституциясына қайшы екенін айтып, оның заңды күші жоқ деп біледі. АҚШ және өзге де батыс елдері халықаралық қауымдастықты даулы референдумды мойындамауға шақырып отыр. Қырымды Ресейдің қанатының астына алуды көздейтін референдумды Мәскеу қолдайды.
13
16 наурызда Украина құрамындағы Қырым автономиялық республикасында тұрғындар референдумға дауыс берді. Азаматтарға бұл референдумда «Ресейге қосылуды жақтайсыз ба, әлде Қырым Республикасының 1992 жылғы Конституцияны қалпына келтіріп, Қырымның Украинаның бөлігі ретіндегі мәртебесі болғанын қалайсыз ба?» деген екі сауал қойылды.
Киев пен батыс елдері бұл даулы референдумды "заңсыз" деп санайды. Қырымдағы референдумге Ресей қолдау білдірді
2 миллионнан астам тұрғыны бар Қырым халқының басым көпшілігін этникалық орыстар құрайды.
Киев пен батыс елдері бұл даулы референдумды "заңсыз" деп санайды. Қырымдағы референдумге Ресей қолдау білдірді
2 миллионнан астам тұрғыны бар Қырым халқының басым көпшілігін этникалық орыстар құрайды.