Accessibility links

Теннисші Зарина Дияс жартылай финалға шықты


қазақстандық теннисші Зарина Дияс.

Әлемнің 37-ракеткасы, 20 жастағы қазақстандық теннисші Зарина Дияс Жапония ашық чемпионатының жартылай финалына шықты.

Ол ширек финалда хорватиялық Ана Конюхты ұтты. Матчтың бірінші сетінде Зарина Дияс 2:5 есебімен ұтылып жатып, кейін қолының жарақатына байланысты медициналық үзіліс алды. Кейін кортқа қайта оралған Дияс 6:7 есебімен ұтылып қалды. Дегенмен, қалған екі сетте Зарина Дияс 6:4, 6:2 есебімен жеңіске жетті. Енді ол жартылай финалда таиландық Луксики Кхумкхуммен кездеседі.

Зарина Дияс Осакада өтіп жатқан жарыстың алғашқы кезеңдерінде Чань Юнь-Янь (Тайпей) мен Лара Аррубаррен Вессиноны (Испания) ұтқан еді.

Жапония ашық чемпионаты 12 қазан күні аяқталады.

  • 16x9 Image

    Руслан МЕДЕЛБЕК

    Азаттықтың Прагадағы кеңсесінде қазақ тілінде редактор. Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің репортері. Сочи, Рио, Пхенчхан олимпиада ойындарынан, Джакартада өткен Азия ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG