Ресей президенті Владимир Путиннің саясатына наразылар оны мұқату мақсатында карикатуралық суреттерден бөлек, үлкенді-кішілі "қуыршақтары" мен "бюсттерін" жасайды. Қарашаның 5-сі күні Ұлыбританияның Льюис қаласында өткен "От жағу түнінде" костюмді шеруге қатысқан жұрт "танкіге мінген Борат киіміндегі Путиннің" үлкен "макетін" алып шықты. Бұған дейін жасалған мүсін тақілеттес кейбір туындыларда Ресей президенті жыныстық азшылық өкілдеріне қысым жасаушы, Украинаға басып кіруші және сауыт киген диктатор ретінде бейнеленген.
Путиннің «макеттері»
1
Ұлыбританияның Льюис қаласында өткен "От жағу түнінде" костюмді шеруге қатысқан жұрт Борат киімінде "танкіге мінген Путиннің" "макетін" алып шықты. 5 қараша 2014 жыл.
2
"Танкіге мінген Путин" зұлым адам ретінде бейнеленген.
3
Путиннің "макеті" өте үлкен етіп жасалған.
4
Киевтегі "Еуромайдан" шерулері кезінде наразылар Тәуелсіздік алаңына алып шыққан "Путин". 11 желтоқсан 2013 жыл.
5
Санкт-Петербургтегі гей-шеруге белсенділер жыныстық азшылық өкілдеріне қысымды күшейткен Ресей президенті Владимир Путиннің сүйкімсіз "бюстін" алып шықты. 1 мамыр 2014 жыл.
6
Путинге қарсы шіркеуде ән айтып тұтқындалған Pussy Riot панк-тобын қолдаушылар Ресей президентінің сұрықсыз маскасын жасап, киіп шықты. Германия, Берлин, 17 тамыз 2012 жыл.
7
Мәскеудегі "Миллиондар маршындағы" "танкист әрі дзюдошы Путин". 15 қыркүйек 2012 жыл.
8
Мүсінші Владимир Ричкал "сауыт киген Путиннің" "бюстін" жасады. Мәскеу, 22 ақпан 2012 жыл.