Жерорта теңізінде Қытай және Ресей әскери кемелерінің қатысуымен «Теңіздегі әрекеттестік – 2015» жаттығуы басталғаны туралы Ресей қорғаныс министрлінің орынбасары Анатолий Антонов хабарлаған. Оның айтуынша, екі жақтан он кемеге дейін қатысатын бірлескен жаттығу он күн бойы – мамырдың 21-інде дейін жалғаспақ.
«Бұл жаттығулар үшінші тарапқа қарсы бағытталмаған және ол аймақтағы саяси жағдаймен байланысы жоқ» деп мәлімдеген Антонов.
Екі елдің әскерилерінің бірлескен жаттығуына Ресей тарапынан әскери-теңіз флоты бас қолбасшысының орынбасары, вице-адмирал Александр Федотенков, Қытай жағынан – әскери-теңіз флоты қолбасшысының орынбасары, вице-адмирал Ду Цзинчэнь жетекшілік жасайды деп хабарланды.
Мамырдың 9-ы күні Мәскеуде Жеңіс күні құрметіне өткен әскери парадқа тұңғыш рет Қытай әскери бөлімшесі де қатысқан. Соның қарсаңында Кремльде Ресей мен Қытай жетекшілері келіссөздер өткізіп, экономикалық және әскери-техникалық салалардағы әріптестік туралы келісімдерге қол қойған.
