Accessibility links

Тяньцзинде қаза тапқандар саны 123 адамға жетті


Тяньцзинь қаласындағы жарылыстан кейінгі көрініс. Қытай, 13 тамыз 2015 жыл.

Қытайдың билік орындары елдің солтүстік-шығысындағы портты Тяньцзинь қаласында болған жарылыстар салдарынан мерт болғандар саны 123 адамға жетті деп хабарлады. Олардың жартысынан көбі – оқиға орнына барған соң қаза тапқан өрт сөндірушілер.

Олардан өзге тағы 50 адам хабарсыз кеткен болып саналады. Жарылыстар салдарынан зардап шеккен 600 адам әлі ауруханада жатыр.

Тамыздың 13-іне қараған түні Қытайдың солтүстік-шығысында портты Тяньцзинь қаласында болған екі жарылыстан соң химиялық заттар қоймасында өрт шыққан еді. Соның салдарынан ауаға көп мөлшерде аса қауіпті зат – натрий цианиді тараған.

Улы заттың ары қарай тарауынан қауіптенген Қытай билігі Тяньцзинь өнеркәсіп аймағынан үш шақырымдық радиусте тұратын халықты ол жерден кетуге міндеттеген.

AzattyqTV

Аудиоподкаст

XS
SM
MD
LG