Accessibility links

Депутат Әшімбаев ресейлік әріптесінің "орыс жері" жайлы сөзіне пікір білдірді


Азаттыққа сұхбат беріп отырған Мәжілістің халықаралық істер, қорғаныс және қауіпсіздік комитеті төрағасы Мәулен Әшімбаев. Астана, 20 қаңтар 2017 жыл.

Парламент мәжілісінің депутаты, ондағы халықаралық істер, қорғаныс және қауіпсіздік комитетінің төрағасы Мәулен Әшімбаев "Ресей парламентінің депутаттары Қазақстанның тәуелсіздігі және территориялық тұтастығы мәселелеріне қатысты пікір білдіргенде абай болуы тиіс екенін мәлімдеді" деп хабарлады жергілікті агенттіктер.

Әшімбаев мұны Ресей мемлекеттік думасының депутаты Павел Шперовтің қаңтардың 26-сы парламенттік дөңгелек үстел отырысында жасаған мәлімдемесіне байланысты айтқан. Шперов ол отырыста Ресейдің "ұлы ел" екенін айтып, "Дүниежүзіндегі өз мүддемізді қорғауымыз қажет" деген. "Таяу шетел деп жүрген елдерде әзірге мұндай мүмкіндік бар. Қазақстандағы орыс отандастырымызды диаспора деу қате, өйткені олар отырған жер - уақытша шетел иеленген біздің жеріміз. Мәңгілік шекара жоқ, біз әлі Ресей шекарасына қайта ораламыз және ол таяу уақытта жүзеге асады" деген ресейлік депутат.

"Шперовтің Қазақстан территориясына қатысты айтқан пікірін жөнсіз деп санаймын. Мұндай пікір Қазақстан мен Ресейдің стратегиялық әріптестік және одақтастық ұстанымдарына негізделген достық және тату көршілік қарым-қатынас ауанына сай емес" дейді Мәулен Әшімбаев.

Әшімбаевтің сөзінше, "Қазақстанның территориялық тұтастығы мен тәуелсіздігі мызғымайды және оның шекарасы халықаралық келісімдер арқылы анықталып белгіленген". Ол Қазақстан-Ресей қарым-қатынасы 21-ғасырдағы тату көршілік және одақтастық туралы келісім мен мемлекеттік шекаралары туралы келісімге негізделгенін айтады.

Ресей сыртқы істер министрлігі Шперовтің сөзінен соң 3 ақпанда "Мәскеудің Қазақстанмен қарым-қатынасы бойынша сыртқы саясаты мәселелеріндегі ресми ұстанымын Ресей президенті, премьер-министрі, сыртқы істер министрі және уәкілетті тұлға ғана білдіре алады" деп мәлімдеген.

AzattyqTV

"Астана - құлаған крандар қаласы"
please wait

No media source currently available

0:00 0:01:16 0:00

Фотогалерея

XS
SM
MD
LG