Шорт-тректен Минскте (Беларусь) өткен әлем кубогы кезеңінде Қазақстан бір алтын, бір күміс, үш қола медаль алды.
Ерлер арасында 500 метрге жүгіруде қазақстандық Денис Никиша алтын, Абзал Ажғалиев күміс медаль иеленді. Қоланы Ванкувер олимпиадасының чемпионы канадалық Франсуа Амлен алды.
1000 метрге жүгіруде қазақстандық Нұрберген Жұмағазиев үшінші нәтиже көрсетті. Ол сенбі, 11 ақпанда 1000 метрге жүгіруде тағы бір қола жүлде жеңген.
Сондай-ақ ерлер арасындағы 5000 метрлік эстафетада Қазақстан құрамасы Голландия мен Ресейден кейін үшінші нәтиже көрсетті.
Қазақстан шорт-трек құрамасы 10 наурызда Голландияда басталатын әлем чемпионатына қатысады.
