Accessibility links

Медициналық сақтандыру жарнасын төлеуді кейінге ысыруды ұсынды


Дәрігерлерге қаралып отырған зейнеткер. Қазақстан, Алматы облысы, 26 сәуір 2017 жыл. (Көрнекі сурет)

Қазақстан денсаулық сақтау министрлігі парламентке міндетті медициналық сақтандыруды енгізуді 2020 жылға дейін жылжытуды қарастыратын заң жобасын ұсынды деп хабарлайды жергілікті агенттіктер.

Парламент мәжілісі комитетінің отырысында сөйлеген сөйлеген денсаулық сақтау вице-министрі Ләззат Ақтаева міндетті медициналық сақтандыру жүйесіне қатысатын азаматтарға медициналық көмек көрсетуді 2020 жылдың 1 қаңтарынан бастауды ұсанытынын айтты. Оның сөзінше, министрлік жеке тұлғалар, жалдамалы жұмысшылар, өзін-өзі жұмыспен қамтығандар, оның ішінде жеке кәсіпкерлер мен оларға теңестірілгендерге және мемлекеттің жеңілдігі бар азаматтарға міндетті медициналық сақтандыру жарнасын төлеуін де 2020 жылдың 1 қаңтарынан бастауды ұсынады.

Ләззат Ақтаева бұған қоса азаматтық-құқықтық сипаттағы келісім бойынша табыс табатын жеке тұлғалардың табысынан жарна көлемін 5 пайыздан 1 пайызға дейін төмендету, ал жұмыс берушілердің жұмысшыларға 2018-2019 жылдары 1,5 пайыз көлемінде аудара беру де ұсынылып отырғанын жеткізді.

Қазақстанда жұмыс берушілер мен жеке кәсіпкерлер шілденің 1-інен бастап міндетті әлеуметтік медициналық сақтандыру қорына жарна аудара бастаған. Ресми дерек бойынша, тамыз айына дейін қорға 800 миллион теңге түскен. Қолданыстағы заң бойынша, жұмыс беруші ай сайын жұмыскердің жалақысынан 1 пайыз мөлшерінде, бірақ 3668, 9 теңгеден жоғары емес аударым жасауға, жеке кәсіпкерлер мен оларға теңестірілген тұлғалар – жеке қорғаушылар мен нотариустар, кәсіби медиаторлар айлық жалақысынан 5 пайыз немесе 2445, 9 теңге төлеуге тиіс.

Пікіріңіз

Оқырман пікірлері

AzattyqTV

XS
SM
MD
LG