Accessibility links

"Оккульттік ұйым" ісі бойынша сотталғандар шағымы қаралмады


Сотталушы Михаил Ткачев пен Уәли Әлиасқаровтың туыстары мен жақтастары Қарағанды облыстық соты алдында тұр. 13 наурыз 2018 жыл.

Қарағандыда "діни және ұлтаралық араздықты қоздыру" ісі бойынша сотталған Михаил Ткачев пен Уәли Әлиасқаровтың сот үкіміне апелляциялық шағымы қаралмайтын болды. Апелляциялық сот алқасы бұл шағымды алғашқы сот инстанциясы – Қазықбек би аудандық сотына толықтырып рәсімдеуге қайтарды. Қазыбек би аудандық соты қаңтарда Ткачев пен Әлиасқаровты "Киелі Русь жаратушыларының одағы" ["Союз Сотворцов Святой Руси" - СССР] оккульттік ұйымы идеяларын таратты деп айыптап, бес жылға соттаған. Бірақ 13 наурызда апелляциялық алқа адвокаттың іс материалына сотталушылар туыстарының сұрауы бойынша Ресейде жүргізілген сараптама материалдарын қосуды сұраған талап арызын мақұлдады.

- Сараптаманы қабылдады ғой әйтеуір, оқып шығар. Себебі ол сараптама тереңірек жасалған, бәлкім, қандай да бір қорытынды шығарар. Қазақстандық сараптама небәрі бес парақ көлеміндей ғана, ал ресейлік сараптама 118 парақты құрайды, - деді Азаттыққа Ткачев пен Әлиасқаровтың адвокаты Игорь Кирьянов.

Адвокат апелляциялық шағымында алғашқы сот инстанциясының үкімін жоюды және сотталушылардың іс-әрекетінде "қылмыстық құрам жоқ болғандықтан" қылмыстық істі тоқтатуды сұрайды. Шағымда Әлиасқаров пен Ткачевтің "ар-ұждан тұтқыны" екені, үкімнің көпе-көрінеу заңсыз екені және алғашқы сот инстанциясында кемшілік пен бір жаққа тарту болғаны айтылады.

Бүгінгі сотта сотталушылардың өздерін қатыстырған жоқ.

Оқыңыз: "Оккульттік ұйым" туралы істе полицей куәлік етті

Қарағандылық 28 жастағы Михаил Ткачев пен 66 жастағы Петропавл тұрғыны Уәли Әлиасқаров "СССР оккульттік ұйымы идеяларын таратты, осы ағымның кітаптарын оқып, жұртпен талқылау арқылы "алауыздық қоздырды" деп айыпталған.

  • 16x9 Image

    Елена ВЕБЕР

    Елена Вебер - шығармашылық псевдоним. Елена - 2010 жылдан бері Азаттықтың Қарағанды облысы бойынша тілшісі. Теміртау қаласында тұрады. ҚарҰУ-дің филология факультетін бітірген.

XS
SM
MD
LG