Accessibility links

Мәскеу Праганың ресейлік хакерді АҚШ-қа бергеніне наразы


Евгений Никулин

2 сәуірде Ресейдің Сыртқы істер министрлігі Мәскеу де, Вашингтон да іздеу салған хакер Евгений Никулинді Чехияның АҚШ-қа экстрадициялау туралы шешіміне наразы екенін мәлімдеді.

Ресей Чехияның жуырда қабылдаған бұл шешімі Прага мен Мәскеудің қарым-қатынасына сызат түсіретінін, Никулиннің құқығын қорғайтынын мәлімдеді.

Чехияның Әділет министрі Роберт Пеликан елдің жоғары соты орыс тіліндегі апелляцияны қараудан бас тартқан соң ресейлік хакерді АҚШ-қа беру туралы шешім қабылдаған.

30 жастағы Никулин 2016 жылы Прагада тұтқындалған. Өткен аптада АҚШ-қа экстрадицияланған ол өзіне тағылған айыппен келіспейтінін айтқан.

Оқи отырыңыз: Пол Райан: Чехия ресейлік хакерді АҚШ-қа береді деп сенеміз

Никулин адвокатына ФБР өзін АҚШ-тағы 2016 жылғы сайлау кезінде Демокртиялық партия серверлерін бұзып кірді деп кінәлі етуге тырысқанын айтқан.

Ресейлік хакер деп сипатталатын Никулин 2012-2013 жылдары LinkedIn және Dropbox интернет-компанияларының жүйесін бұзды деп айыпталған. Кінәсі дәлелденсе, оған 30 жыл түрме жазасы кесіледі.

Ал Ресейде ол 2009 жылы 2000 доллар көлемінде онлайн-ұрлық жасады деген күдікке ілінген.

Пікірлерді көріңіз (1)

Бұл форум жабық. Бірақ пікірталасты Азаттықтың Facebook-парақшасында жалғастыра аласыз: https://www.facebook.com/azattyq
XS
SM
MD
LG