Accessibility links

Баян-Өлгийдегі селден мыңдаған адам баспанасыз қалды


Баян-Өлгий аймағындағы 2016 жылғы селден кейінгі көрініс. Сурет Байыт Қабанұлы есімді әлеуметтік желі қолданушысының парақшасынан алынған.

Моңғолияның Баян-Өлгий аймағында шілденің 14-нен 16-сына дейін жаңбыр жауып, сел жүрген. Аймақ орталығындағы жүздеген үйді су шайып кеткен. Бұл туралы Азаттық тілшісіне Баян-Өлгий аймағының әкімі Ғылымхан Айым хабарлады.

- 530-ға тарта үй құлап, тұруға жарамсыз болып қалған. 2500-ден астам адам баспанасыз қалды. Баспанасыз қалғандар әзірге бала-бақшалар мен жатақханаларға орналастырылды, - деді Ғалымхан Айым.

Әкімнің айтуынша, қазір жағдай тұрақталған: "аулалар мен көшелердегі суды тазарту жұмыстары жүргізіліп жатыр".


Жергілікті билік өкілі "басқа аймақтардан құтқару мен апатты жағдайды қалпына келтіру мәселесі бойынша көмек келді" деді.

Оқи отырыңыз: Баян-Өлгийде 100-ден аса үй қирап, 700 адам баспанасыз қалды

Осыдан екі жыл бұрын да Баян-Өлгийде бұршақ жауып, сел жүріп, адам шығыны болған. Қазақстан селден зардап шеккен Баян-Өлгийге көмек көрсеткен. Кейін Моңғолиядағы тасқыннан зардап шеккендерге арнап қазақстандық белсенділер салғызып жатқан кейбір үйлер "қауіпті зонада тұрғандықтан" бұзылаты хабарланды.

Саны 150 мың деп шамаланатын және көпшілігі Баян-Өлгий аймағында тұратын этникалық қазақтар Моңғолия халқының 5 пайызы болады.

  • 16x9 Image

    Нұртай ЛАХАНҰЛЫ

    Нұртай Лаханұлы. 1973 жылы дүниеге келген. 1998 жылы әл-Фараби атындағы қазақ ұлттық университетінің филология факультеті бойынша тәмамдаған.  «Қазақстан-Заман» газеті мен «Қазақ радиосында» қызмет еткен. 2010 жылдан бері Азаттық радиосында  жұмыс істейді.

ПІКІРЛЕР

XS
SM
MD
LG