Accessibility links

Шымкентте полиция алты адамды ұстап әкетті


Полиция әйелді ұстап жатыр. Шымкент, 10 маусым 2019 жыл.

10 маусым түсте Шымкенттегі Бауыржан Момышұлы және Тәуке хан көшелерінің қиылысында полиция алты адамды ұстап әкетті. Бұл ақпаратты оқиға орнынан Азаттық тілшісі хабарлады. Оның айтуынша, ұсталған азаматтар айғайлап, ұрандамаған. Ұсталғандар арасында әйелдер, кішкентай бала болған.

Оқиға кезінде қара көзілдірік киген медициналық маска таққан шамамен 25-30 жастағы ер адам Азаттық тілшісінің жұмысына кедергі келтірген. Ол полиция азаматтарды ұстап жатқан кезде Азаттық тілшісінің камерасына қара түсті қолшатырын тосып, түсіруіне бөгет жасаған.

9 маусымда елде кезектен тыс президент сайлауы өтіп жатқан кезде Шымкентте полиция осы маңға келген жиырмаға жуық адамды ұстаған еді. Әзірге олардың нақты саны және қаншасы әкімшілік жазаға тартылғаны белгісіз. Құқық қорғау органдары жауап бермеді.

Қазақстан ішкі істер министрлігі 9 маусымда Нұр-Сұлтан мен Алматыдағы митингте 500 шақты адам ұсталғанын хабарлады. Құқық қорғаушылар мен белсенділер ұсталғандар саны бұдан да көп екенін айтады.

  • 16x9 Image

    Дилара ИСА

    Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.

    "Жас Алаш" газетінде жұмыс істеген.

    Азаттықпен 2012 жылдан бері әріптес.

ПІКІРЛЕР

XS
SM
MD
LG