Accessibility links

АҚШ: Орталық Азиядағы өзгерістер жаңа мүмкіндіктерге жол ашады


АҚШ президенті Шавкат Мирзияев (сол жақта) және АҚШ мемлекеттік хатшысы Майк Помпео.

Орталық Азия елдерінде биліктің ауысуы және бес мемлекет арасында өзара байланыстың нығаюы Вашингтонның Орталық Азия аймағымен қарым-қатынасты тереңдетуге көбірек мүмкіндік ашады деп мәлімдеді АҚШ билігі.

АҚШ Орталық Азияда соңғы бес жылда болған жаңа өзгерістерді ескере отырып, өзінің аймақтық стратегиясын жаңартты деді АҚШ мемлекеттік хатшысының Оңтүстік және Орталық Азия істері бойынша көмекшісінің орынбасары Элис Уэллс 5 ақпанда.

"Біз жаңа мүмкіндіктер кезеңіне куә болып отырмыз" деді Элис Уэллс. Майк Помпеоның аймаққа сапарынан кейін Уэллс осындай мәлімдеме жасады.

Президент Дональд Трамп әкімшілігі Еуропа мен Азияны жалғап тұрған шикізат ресурсына бай Орталық Азия аймағында Қытай және Ресеймен қатар өз ықпалын арттыру жолын іздеп жатыр. Бұған қоса АҚШ көрші Ауғанстанда жиырма жылға жуық созылған соғысты аяқтауға күш салып жатқандықтан Орталық Азиямен қарым-қатынас орнатуға мүдделі.

Орталық Азияның бес мемлекет басшылары 2018 жылы соңғы он жылда тұңғыш рет өзара жиналып, ынтымақтастықты дамыту мәселесін талқылаған. Былтыр да бұл кездесу жалғасын тапты. Уэллс бұл бастаманы маңызды деп санайды.

"Біз аймақтық даралыққа қатысты тың көзқарастың пайда болғанына куә болып отырмыз" деді ол.

Ақ үйдің ұлттық қауіпсіздік кеңесінің Орталық және Оңтүстік Азия істері жөніндегі өкілі Лиза Кертистің айтуынша, мұндай аймақаралық әріптестік "бес жыл бұрын мүмкін емес еді" дейді.

АҚШ билігі Орталық Азия аймағында біріккен электр желісі сияқты аймақтық әріптестікті нығайтуға ықпал ететін ортақ жобаларды қолдайтынын білдірді. Бұған қоса, бес мемлекет арасындағы ортақ виза, кедендік процедуралар, шекара байланысын дамыту, бизнестегі кедергілерді жоятын жобаларды да қолдайтынын жеткізді.

Олар Тәжікстан мен Қырғызстаннан су электр энергиясын Ауғанстан мен Пәкістанға экспорттау жоспарының жүзеге асатынына үміт білдірді. АҚШ тарабының ойынша, бұл аймақ экономикасына серпін беріп, Ауғанстандағы тұрақтылықты дамытуға көмектеседі.

Вашингтон бұрынғыша Орталық Азияға қатысты негізгі ұстанымын өзгертпейді - АҚШ аймақтағы тұрақтылықтың сақталуы мен бір билікке тәуелді болмауды қолдайды деді.

Видео: "Біз Орталық Азияның гүлденгенін қалаймыз" (2 ақпан 2020 жыл).

Майк Помпео: Адам құқықтары - негізгі, маңызды мәселе
please wait

No media source currently available

0:00 0:06:38 0:00

Инфрақұрылымдық жобалары үшін Қытайдан несие алып, қарызға батқан Тәжікстан және Қырғызстан сияқты дәулетті емес мемлекеттердің қарыздан құтылуы қиын болуы мүмкін. Инфрақұрылымдық жобаларды дамыту немесе мемлекетті көрші елге тәуелді қылу сияқты күрделі мәселелерді шешу бойынша Вашингон ОА елдеріне қолұшын беруге дайын дейді АҚШ билігі.

АҚШ-тың пікірінше, Орталық Азияда инвестиция климатының жақсаруы заң үстемдігін күшейту бойынша реформаларды тиімді жүзеге асыруға байланысты. Лиза Кертис Орталық Азия басшыларын "ашық саяси жүйе орнатып, тұрақты сайлау өткізіп" демократиялық процестерді жақсартуға шақырды.

Оқи отырыңыз: АҚШ мемлекеттік хатшысы Помпеоның постсоветтік төрт елге сапары қандай мақсат көздейді?

ПІКІРЛЕР

AzattyqTV

Днепрде вирустан қайтыс болуы мүмкін адамдарға қабір қазып қойды
please wait

No media source currently available

0:00 0:01:38 0:00
XS
SM
MD
LG