Қазақстан денсаулық сақтау министрлігі 19 наурыз түс кезінде Нұр-Сұлтанда тағы жеті адамнан коронавирус анықталғанын хабарлады.
- Олардың барлығы - 25-52 жас аралығындағы Қазақстан азаматтары. Барлығы бұрын ауырғандармен тікелей байланыста болған. Қазір стационарлық карантинде емделіп жатыр. Жағдайлары - жақсы, - деді министрліктің ресми өкілі Диас Ахметшәріп.
Осылайша Қазақстанда вирус жұқтырғандар саны 44-ке жетті. 19 адам - Алматы, 25 адам Нұр-Сұлтанда емделіп жатыр.
19 наурызда түске дейін Алматы қалалық қоғамдық денсаулық сақтау басқармасы қаладағы 19 науқастың бірінің жағдайы - орташа ауыр, 18 адамның жағдайы орташа деп мәлімдеген еді.
Бұл екі қалада 19 наурыздан бастап карантин жарияланып, қалаға кіріп-шығуға шектеу қойылды. 22 наурызда жолаушылар пойызы, ішкі рейстер тоқтайды.
Коронавирусқа қатысты соңғы ақпаратты мына сілтеме арқылы оқып біле аласыздар.
Видео: Блокпост қойылған шаһар. Облыстан қатынайтындар не істейді? (18 наурыз 2020 жыл).
ПІКІРЛЕР