Алматыда Азаттық тілшісі №529 референдум учаскесінде заң бұзылуы мүмкін деген жайтты көзбен көрді. Мұнда дауыс беру кабинасына бірден екі адам кірген. Азаттық тілшісі оның себебін сұраған кезде дауыс беруші "бюллетеньді көзілдіріксіз оқи алмай отырғанын" айтты. Бұдан соң оның жанында тұрған әйел өзге кабинаға кірді. Ол "Конституцияға енетін жаңа түзетулерден хабардарсыз ба" деген сұраққа жауап бермеді.
Тағы бір видеода мемлекеттік мекемеде жұмыс істейтінін айтқан ер адам жұмыс берушіге "есеп бергенін" мойындайды.
Аймақтардан тәуелсіз бақылаушыларды учаскеге кіргізбегені жайлы ақпараттар түсіп жатыр. Әзірге ақпарат толық расталмады.
Орталық референдум комиссиясының (ОСК) таңғы сағат 8-дегі ақпараты бойынша, елде 9964 дауыс беру учаскесі ашылған. ОРК әрбір екі сағат сайын ақпарат беріп отыратынын айтты.
5 маусымда Қазақстанда Конституцияға өзгерістер енгізу мәселесі бойынша референдум өтіп жатыр. Билік бұл шараны қоғамды демократияландыруға қарай қадам деп көрсетуге тырысады. Сын айтушылар бұрынғыдан ештеңе өзгермейді деп санайды.
ПІКІРЛЕР