Кремль Ресейдің Украинаға басқыншылығының бір жылдығы қарсаңында, 22 ақпанда митинг-концерт өткізеді, оған Ресей президенті Владимир Путин қатысады. Бұл жөнінде үш дереккөзге сүйенген РБК сайты хабарлады. Концерт өтуі мүмкін ықтимал орындардың бірі – "Лужники" стадионы.
Путин соңғы рет бұл стадионда былтыр 18 наурызда сөз сөйлеген. Шоу Қырым аннексиясына 8 жыл толғанына орай ұйымдастырылған.
Дереккөздердің бірінің айтуынша, 22 ақпан күнгі митинг-концерт президенттің былтыр 21 ақпан күнгі федерация жиынына жолдауының "жалғасы" ретінде қарастырылуы мүмкін.
"РИА Новости" агенттігінің парламенттегі дереккөзі де биыл 22 ақпанда "Лужники" стадионында 200 мың адам қатысатын митинг-концерт өтетінін жазды. Оған Путин қатысады.
Ресей президентінің баспасөз хатшысы Дмитрий Песков РБК сайтына әзірше "Лужники" стадионындағы шара жөнінде "ештеңе айта алмайтынын" хабарлады.
