Accessibility links

Сарыағаш ауданы Жібек жолы ауылында бес жасар қыз өлтіріліп, ауыл адамдары наразылыққа шыққан


Түркістан облысы Сарыағаш ауданының Жібек жолы ауылында орналасқан қазақ-өзбек шекаралық өткізу пункті
Түркістан облысы Сарыағаш ауданының Жібек жолы ауылында орналасқан қазақ-өзбек шекаралық өткізу пункті

13 шілде күні кешке Түркістан облысы Сарыағаш ауданы Жібек жолы ауылының адамдары наразылыққа шыққан. Оған осы ауылда тұратын, бес жасар қыздың өлтірілгені себеп болған.

Түркістан облыстық полиция департаменті баспасөз қызметінің хабарына қарағанда, 13 шілдеде Сарыағаш аудандық полиция бөліміне жергілікті тұрғындардың бірі кәмелетке толмаған қызының жоғалғаны туралы арыз жазған.

"Жедел-іздестіру барысында полиция ауыл тұрғындарының бірінің үйінен дене жарақаты бар қыздың денесін тапты. Күдікті қамауға алынды. Қылмыстық кодекстің "Адам өлтіру" бабы (99-бап) бойынша іс қозғалып, тергеу басталды" деп хабарлады баспасөз қызметі.

Бейресми ақпараттарға қарағанда, жас қыздың өліміне күдікті анықталған соң ауыл тұрғындары наразылыққа шығып, күдіктіні халықтың қолына беруді талап еткен.

Ауыл адамдары жиналғанын полиция департаментінің баспасөз қызметі растады. Халық тынышталғанын, ауылды полиция бақылап тұрғанын айтты.

Ауыл тұрғындарының сөзіне қарағанда, Жібек жолы ауылында интернет ажыратылған. Түн ішінде осы ауылдағы Қазақстан мен Өзбекстан арасындағы шекаралық өткізу пункті жабылған.

Түркістан облысында бұған дейін де осыған ұқсас түрлі оқиғалар болып, кейде этникалық жанжалдарға ұласқан.

ПІКІРЛЕР

XS
SM
MD
LG