Путиннің ескертуі, Харьковке түскен бомба, жараланған балалар. Соғыс жаңалықтары

Владимир Путин Украинаның Ресейдегі нысандарға жасаған соққыларынан кейін бейбіт келіссөздерге қатысты Мәскеудің ұстанымы өзгеруі мүмкін екенін айтты. Ол Ресейдің жауап қайтаратынын ескертті. Осы кезде Ресей әскері Харьковтегі көпқабатты тұрғын үйге авиабомба тастады. Киевке жасалған дрон шабуылдарынан да адамдар зардап шекті. Жексенбі күні қалада әуе дабылы тоғыз сағаттан астам уақытқа созылды.