Accessibility links

live 98 науқастың жағдайы ауыр. Елдегі коронавирус ахуалы қандай?

Covid-19 індеті жайлы әлемдегі және Қазақстандағы ақпараттарды шолып шығыңыз.


Коронавирус инфекциясынан сақтануға үндеген көшедегі жарнаманың қасынан өтіп бара жатқан маска таққан адам.

Негізгі деректер

Әлемде Covid-19 коронавирусы 32,4 миллион адамға жұқты. Қайтыс болғандар 987 мыңға жетті. 22,3 миллион адам аурудан жазылған.

Дүниежүзілік денсаулық сақтау ұйымы Қытайдан тараған бұл вирусты "пандемия" деп жариялаған. Коронавирус жайлы қаңтардың басында белгілі болды. Оны алғаш жұқтырғандар Қытайдың Хубэй провинциясының Ухань қаласында тіркелді. Вирус тыныс алу жолын зақымдап, пневмонияны өршітеді. Бұл дерттің көбіне егде жастағылар мен созылмалы ауруы бар адамдарға салдары ауыр болуы мүмкін.

07:08 4.8.2020

Министр Цой журналистер сұрағына жауаптан неге жалтарады?

Министр Цой журналистер сұрағына жауаптан неге жалтарады?
please wait

No media source currently available

0:00 0:02:19 0:00

Қазақстанның денсаулық сақтау министрі Алексей Цойдың коронавирус жайлы берген жауабына журналистердің көңілі толмайды. Брифинг кезінде министр кей сұрақты жауапсыз қалдырса, кейде БАҚ өкілдерінің өзін сөгеді.

19:20 3.8.2020
16x9 Image Елена ВЕБЕР

Қарағанды облысында төрт айда бес мыңға жуық қайтыс болу туралы куәлік берілген

Қарағанды облысында сәуір мен шілде арасында 4964 қайтыс болу туралы куәлік берілген. Кейінгі үш айда аймақтағы бірнеше қалада қайтыс болғаны туралы куәлік саны бірнеше рет өскен.

Облыс орталығы Қарағанды қаласында кейінгі төрт айда 1714 куәлік (сәуірде 114, мамырда 570, маусымда 529, шілдеде 501) берілген.

Теміртауда сәуірде 43, мамырда 264, маусымда 218, шілдеде 211 куәлік; Жезқазғанда сәуірде 26, мамырда 99, маусымда 69, шілдеде 120 куәлік берілген.

Бұл деректерді облыс әкімі Азаттық тілшісінің ресми хатына жауабында көрсеткен. Билік өлім-жітім себебін айтпады. Шенеуніктер сәуірдегі өлім санының аздығын карантинмен байланыстырады және сол уақытта жол апаты мен түрлі жағдайлар аз болғанын айтады.

Шілдеде Теміртау, Қарағанды және Балқашта маусымға қарағанда аз куәлік берілген. Қарағанды облысының басқа қалалары мен ауылдарында куәлік саны артқан. Әсіресе Жезқазған (шілдеде маусыммен салыстырғандар 51 куәлік артық), Сәтбаевта (+49), Шахтинск, Абай, Оскаров, Бұқар Жырау, Қарқаралы, Жаңаарқа, Шет ауданында қатты байқалады.

Ресми мәліметке сай, 2019 жылы Қарағанды облысында 1 378 533 адам тұрады.

Бұған дейін Азаттық Түркістан облысын мен Шымкентте шілдеде өлім туралы куәлік беру күрт көбейгенін хабарлаған. Түркістан облысында шілдеде 2208, Шымкент қаласында 1080 қайтыс болғаны туралы куәлік берілген.

Аймақтарда адамның қайтыс болғаны туралы куәлік алушылардың саны елде коронавирус пен пневмония өршіген тұста өсті. Денсаулық сақтау министрлігі тамыздан бастап вирустық пневмонияға шалдыққандар мен қайтыс болғандардың санын жариялай бастады. Бірақ бұл деректерді коронавирустың ресми статистикасына қоспай отыр.

Ресми дерек бойынша, елде дертке шалдыққандар 100 мыңға жуықтады. Мыңнан аса адам Covid дертінен қайтыс болды. Министрлік вирус жұқтырған үш жүзден астам марқұмды “өліміне басқа дерт себеп болды” деп ресми статистикаға қоспай отыр. Тағы мыңдаған адам пневмониядан көз жұмды.

19:11 3.8.2020

Елде Covid пен пневмониядан 5 мыңнан аса адам көз жұмды. Цой "індетпен күресте сәтсіздік болған жоқ" дейді

Денсаулық сақтау министрі Алексей Цой брифингте отыр.
Денсаулық сақтау министрі Алексей Цой брифингте отыр.

Қазақстанда пандемия басталғалы, ресми мәлімет бойынша, Covid дертінен 1058 адам қайтыс болды. Жыл басынан бері төрт мыңнан аса адам пневмониядан көз жұмды. Денсаулық сақтау министрі Алексей Цой елдегі жағдай “толық бақылауда” дейді. Министрлік үкіметтің вируспен күрестегі жұмысын “толық сәтсіз болды деу дұрыс емес” деп санайды.

Цой 3 тамыздағы брифингте не айтты? Оқи отырыңыз

14:55 3.8.2020

Нұр-Сұлтанда кәсіпкерлер жұмыс істеуге рұқсат беруді талап етті

3 тамызда Нұр-Сұлтанда "Артем" сауда орталығынан бутик жалдаған ондаған кәсіпкер наразылық акциясын өткізіп, биліктен сауда үйін ашуды талап етті. Олар барлық санитарлық-дезинфекция талаптарын сақтайтынын айтып, тек жұмыс істеуге рұқсат беруді сұрады.

– Барлық талаптарды орындаймыз. Бізге тек жұмыс істеуге мүмкіндік берсін! Бізге 42 мың теңге керек емес. Не үшін салық төлейміз? Қанша жылдан бері өтеп келеміз. Неге олар ақшаны жеп қояды? Олар бүкіл "Артем" базары жұмыс істеп тұр дейді. Шын мәнінде бірінші қабат қана істеп тұр. Қалғаны алтыншы қабатқа дейінгілер – жабық, – дейді кәсіпкер Ботагөз Сәрсембаева.

Кәсіпкерлер "Артем" сауда үйін ашуды талап етіп тұр. Нұр-Сұлтан, 3 тамыз 2020 жыл.
Кәсіпкерлер "Артем" сауда үйін ашуды талап етіп тұр. Нұр-Сұлтан, 3 тамыз 2020 жыл.

Кәсіпкерлер бұған дейін санитарлық талаптардың барлығын орындағанын, соған қарамастан нысанды жауып тастағанын айтты.

– Біз карантин кезінде мүлде ақшасыз қалдық. Бізге не жәрдемақы берген жоқ, не жұмыс істетпейді. Сонда біз қалай өмір сүруіміз керек? Көптеген жеке кәсіпкерлердің жалғыз баспанасы кепілдік ретінде тұр. Олар тауарды айналымға енгізу үшін банктен несие алған. Үш айдан бері бизнесіміз тұралап қалды. Банкроттық алдында тұрмыз. Әрең өмір сүріп жатырмыз. Бұлай жалғаса берсе, вирустан емес, аштан өлетін түріміз бар. Көптеген тұрғындардың азық-түлік алуға ақшасы жоқ. Біз қалай несиемізді төлейміз? – дейді кәсіпкер Айжан Дәменова.

Эмоцияға беріле сөйлеген кәсіпкерлер сол жерде президент Қасым-Жомарт Тоқаевқа хат жазып, қол жинады. Оқиға орнына полиция қызметкерлері келіп, дауыс үдеткішпен оларға "әлеуметтік ара қашықтықты сақтау қажеттігін" айтып ескертті.

Сәлден соң акция өтіп жатқан жерде қала әкімінің орынбасары келді. Ол барлық шешімді қаланың бас санитар дәрігері қабылдайтынын айтты.

- Қалалық бас санитар дәрігердің қаулысымен базарды жабу туралы шешім қабылданған. Санэпидстанция мамандары жағдайды бақылап қарап отыр. Вирус жұқтырғандардың көбеюі немесе азаюына байланысты қай жерлер ашылады, қай жерлер жабылады, карантин уақытын ұзарту сияқты шешімдеп қабылданады. Егер олар бүгін "ашыңдар" десе бүгін ашамыз. Онда тұрған ештеңе жоқ, - деді әкімдік өкілі.

Қазақстанда коронавирус жұқтырғандар күрт өршігендіктен 5 шілдеде карантин шаралары қайта күшейіп, ірі базарлар, сауда орындары жабылып, кейбірінің жұмысы шектелген болатын. Өткен аптада карантин 16 тамызға дейін ұзартылды. Бұған дейін вице-министр Ералы Тоғжанов 16 тамызда карантин шаралары аяқталғаннан кейін жұмысына тыйым салынған сауда нысандар, қызмет көрсету орындары қайта ашылады, бірақ олар санитарлық талаптарды қатаң сақтауы тиіс болады, егер орындамаса қайта жабылып, айыппұл салынуы мүмкін деген еді.

Бұған дейін Қазақстанның өзге аймақтарында да кәсіпкерлер карантин кезінде қаржылай қиындыққа ұшырағанын айтып, сауда орындарын ашуды талап еткен.

Тағы

ПІКІРЛЕР

XS
SM
MD
LG