Қазақсанда коронавирусқа байланысты енгізілген карантин жабайы аңдарға еркіндік берген. Алатауда өмір сүретін кейбір жануардың Алматыға жақындап келуі жиілеген. Үлкен Алматы көлі маңына қойылған фото камералар көп жылдан бері алғаш рет қар барысын түсіріп алды. Камера тауешкі мен аюды да байқаған. Жан-жануарға еркіндік берсе де карантин ғалымдардың жұмысына кедергі. Пандемия кесірінен биыл киік санағы жүрмей қалған.