Ресей аннексиялап алған Қырым түбегінде сәуірдің 1-інен бастап хабар таратуды тоқтатуға мәжбүр болған Қырым татарларының ATR телеарнасының Киевте жұмысын бастағанына екі айдай уақыт болды. Телеарна редакциясы Киевтегі телемұнара орналасқан аудандағы Вавилов көшесіндегі қос қабатты шағын ғимаратта орналасқан. ATR телеарнасы қызметкерлерінің бір бөлігі Украина астанасына Симферопольден қоныс аударып келген болса, қалғандары – жергілікті тұрғындар. Ғимараттың бірінші қабатында аппараттар бөлімі, режиссерлер мен студия жайғасқан, екінші қабатта – жаңалықтар бөлімі, грим жасайтын орын және тағы бірнеше бөлме бар. Телеарна басшылығы көршілес ғимаратта отырады.
Қазіргі уақытта телеарна қызметкерлері Киевте Zaman жаңалықтар бөлімінің хабарларын дайындап шығарады. Күзге қарай телеарна саяси ток-шоу және тағы бірнеше жобаны іске қоспақшы.
Қазіргі уақытта телеарна қызметкерлері Киевте Zaman жаңалықтар бөлімінің хабарларын дайындап шығарады. Күзге қарай телеарна саяси ток-шоу және тағы бірнеше жобаны іске қоспақшы.
