Украинадағы президент сайлауында екінші кезеңге өткен Петр Порошенко және Владимир Зеленский Еуропа елдерін аралауға кірісті. 12 сәуірде Германия канцлері Ангела Меркель Петр Порошенконы қабылдаған. “Неге өзге үміткермен кездеспедіңіз?” деген сұраққа Меркель сайлау алдында өзі жақсы білетін ел президентін шақыруды хош көрдім деп жауап берген. Ал Владимир Зеленский 12 сәуірде Франция басшысы Эммануэль Макронмен кездескен. Екі ел саясаткері өзге мәслелермен қатар Украина шығысындағы жағдайды да талқылаған. Кейінірек Макрон Порошенконы да қабылдаған. Украинада президент сайлауының екінші кезеңі 21 сәуірге белгіленген.