Accessibility links

Баланың жаңа жыл мерекесіне 7-8 мың теңге керек


55-балабақшадағы жаңа жыл мерекесі. Алматы. 25 желтоқсан 2012 жыл.

Ата-аналар балалардың жаңа жыл мейрамына аз ақша жұмсамағандарын айтады. Олардың уәжі – «баланың көңілін қалдырмаймыз», «басқадан кем болмасын деп, ақшаны аямаймыз».

Алматы қаласындағы мектептер мен балабақшалар жаңа жыл мерекесіне қызу дайындалып жатыр. Ата-аналар мектептегі шараға бір бала үшін бес-алты мың теңге бергенін айтады. Ал балабақшадағы жаңа жылдық кешке жеті-сегіз мың теңге керек.

МЕКТЕПТЕГІ МЕРЕКЕНІҢ БАҒАСЫ

Алматылық Гүлшат Қайырмолдинаның екі баласы 37-орта мектептің бастауыш сыныптарында оқиды. Ол биыл әр баласының жаңа жыл кешіне алты мың теңге жұмсағанын айтты.

– Мектепте балалардың биылғы шырша кешіне деп, алты мың теңгеден шығындандым. Мектепке екі мың теңгеден бердік: оның мың теңгесіне тәтті сатып алуға бердік, ал аяз атаны жалдауға мың теңгеден біріктік. Одан кейін жаңа жылдық костюм сатып алуға төрт мың жұмсадым, – дейді.

Осы мектептің тәлімгері Клара Бермағамбетованың айтуынша, жаңа жылдық кешке кететін ақшаның мөлшері ата-аналардың өздерімен ақылдасып шешіледі.

– Біз жаңа жылдық шырша алдында жиналыс өткізіп, балалардың тәттілеріне және
№55 балабақшадағы жаңа жыл мерекесі. Алматы. 25 желтоқсан 2012 жыл.
№55 балабақшадағы жаңа жыл мерекесі. Алматы. 25 желтоқсан 2012 жыл.
Аяз атаға кететін шығынды ақылдасып аламыз. Ал балалардың костюмін ата-аналар өздері шешеді, – деді мектеп қызметкері.

Алматыдағы 93-орта мектепте оқитын Әмір Алдаспановтың анасы Гүлжайнар Алдаспанова да биылғы жаңа жыл мерекесіне бола бес мың теңге бергенін айтады.

– Балаларға тәтті аламыз және Аяз атаға төлейміз деп екі мың теңгеден жинадық. Одан кейін костюмді үш мыңға алдық. Жалпы, баламыз басқаның баласынан кем болмасын деп ақшаны аямаймыз ғой, – дейді ол.

БАЛАБАҚШАДАҒЫ МЕЙРАМ МЕКТЕПТЕН ҚЫМБАТ

Ата-аналардың сөзіне қарағанда, балабақшалардағы жаңа жыл мерекесінің шығыны мектептен де қымбат – бір балаға жеті-сегіз мың теңге жұмсалады.

– Ата-аналар келісе келе үш мың теңгеден жинадық. Жиналған ақшаға
Балалар сыйлықтарын алып жатыр. Алматы, 26 желтоқсан 2012 жыл.
Балалар сыйлықтарын алып жатыр. Алматы, 26 желтоқсан 2012 жыл.
​ тәрбиешілерге сыйлық, балаларға ойыншық алдық, – деді бір баласы Алматыдағы 55-балабақшада тәрбиеленетін Сандуғаш Есіркепова.

Сандуғаш Есіркепова үш мың теңгеден ақша жинау ата-аналар жиналысында шешілгенін айтты.

– Әрине, бұл аз ақша емес. Менің екі балам балабақшаға барады. Сыйлықтан бөлек, балалардың костюмы бар. Демек мен әр балаға жеті жарым мың теңгеден, екеуіне он бес мың теңге шығындадым, - деді екі баланың анасы.

Ал 54-балабақшадағы сәбилердің ата-аналары мерекеге үш жарым мың теңгеден жинапты.

– Үш жарым мың теңгенің мың жарымына сыйлық алдық. Артылған ақшаны тәрбиеші, логопедтерге бердік. Киімі бар дегендей. Жалпы, бұл аз ақша емес. Бірақ баланың көңілін қалдырмаймыз ғой, – деді осы балабақшада баласы тәрбиеленетін Бақыт Сәдуақасова.

«СЕГІЗ МЫҢ ТЕҢГЕДЕН АСПАСЫН»

Алматылық Анар Бектемірованың баласы 129-балабақшаға барады. Ол ұлының жаңа жылдық мерекесіне сегіз мың теңге жұмсағанын айтты.

– Ата-аналар жиналысында келісіп, барлық шығынға төрт мың теңге бердік. Ол ақшаны камераға түсіргенге, кәмпит алғанға және Аяз атаға бердік. Ал төрт мың
Ата-аналары балалардың жаңа жыл мерекесін көріп отыр. Алматы, 25 желтоқсан 2012 жыл.
Ата-аналары балалардың жаңа жыл мерекесін көріп отыр. Алматы, 25 желтоқсан 2012 жыл.
​теңгеге киім алдық. Жиналыста бізге Алматы қалалық білім басқармасы жаңа жылдық шыршаға сегіз мыңға дейін жинауға қаулы шығарғанын айтты. Тәрбиешілер ата-аналарға «сегіз мың теңгеге дейін шығара аласыздар» деді. Біз барлығымыз төрт мың теңгеге келістік, – дейді ол.

Азаттық тілшісі Алматы қалалық білім басқармасына хабарласқан еді. Осы басқарманың мектеп және балабақша бөлімінің меңгерушісі Қатипа Молдабаева:

– Білім басқармасы мектептер мен балабақшадағы кештерді өткізуге араласпайды. Ата-аналардан ақша жинағысы келсе, жинайды. Бірақ «сегіз мың теңгеден артық жинамауы керек» деп айтқанбыз, – деді.

Қатипа Молдабаеваның айтуынша, қанша ақша жинайтынын ата-аналар өздері шешеді, «тек сегіз мың теңгеден аспаса болды».
  • 16x9 Image

    Руслан МЕДЕЛБЕК

    Азаттықтың Прагадағы тілшісі. Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің репортері. Сочи, Рио, Пхенчхан олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

Пікіріңіз

Оқырман пікірлері

XS
SM
MD
LG